చైనా వుహాన్లో పుట్టి ప్రపంచాన్ని కలవరపెడుతోన్న కరోనా వైరస్పై సరికొత్త విషయాలు వెలుగులోకి వచ్చాయి. ఈ భయానక వైరస్కు ప్రధాన కారణం గబ్బిలాలుగా ద లాన్సెట్ జర్నల్న్ నివేదిక పేర్కొంది. అయితే... వైరస్ వ్యాప్తికి కారణం మాత్రం ఓ గుర్తు తెలియని జంతువని తెలిపింది.
"ఈ వైరస్కు గబ్బిలాలు మూల కారణమై ఉంటాయి. అయితే.. వుహాన్లోని హువానన్ సీఫుడ్ మార్కెట్లో విక్రయించే జంతువు ద్వారా మానవులలోకి వైరస్ సోకినట్లు తెలుస్తోంది. భవిష్యత్తులో వేగంగా వ్యాప్తిచెందే అవకాశం ఉన్నందుకు తక్షణ పరిశోధనలు చేయాల్సిన అవసరం ఉంది."
- పరిశోధకులు.
వుహాన్లోని తొమ్మిది మంది రోగుల నుంచి సేకరించిన కరోనా వైరస్ 10 జన్యు శ్రేణులను విశ్లేషించగా.. ఈ వైరస్ గబ్బిలాల ద్వారా ఉత్పన్నమైన రెండు సార్స్ వంటి వైరస్లకు దగ్గరి సంబంధం కలిగి ఉన్నట్లు తేలింది.
సీఫుడ్ మార్కెట్ ద్వారానే..
వైరల్ నిమోనియాతో బాధపడుతున్న రోగుల ఊపిరితిత్తుల నుంచి కణాలు, స్రావాలను సేకరించి.. కరోనా వైరస్ మానవుల్లోకి ఎలా సోకిందనే అంశంపై పరిశోధన చేపట్టారు. అయితే.. పరిశీలన చేసిన పది మంది రోగుల్లో ఎనిమిది మంది హువానన్ సీఫుడ్ మార్కెట్కు వెళ్లారని తేలింది. ఒకరు అసలు అక్కడికి వెళ్లకపోయినప్పటికీ.. మార్కెట్కు సమీపంలోని ఓ హోటల్లో బస చేయటం ద్వారా వ్యాధిబారిన పడినట్లు గుర్తించారు.
సార్స్ వంటిదే..
గతంలో గబ్బిలాల ద్వారా వ్యాప్తిచెంది వందల సంఖ్యలో ప్రజల ప్రాణాలను హరించిన సార్స్ వైరస్ను ఈ కరోనా-2019 పోలి ఉన్నట్లు పేర్కొన్నారు పరిశోధకులు. సుమారు 88 శాతం మేర ఒకే విధంగా ఉన్నట్లు తెలిపారు. లక్షణాలన్నీ మిడిల్ ఈస్ట్ రెస్పిరేటోరి సిండ్రోమ్ (ఎంఈఆర్ఏస్)ను 50 శాతం పోలి ఉన్నట్లు చెప్పారు. చిన్న చిన్న తేడాలు మినహా సార్స్, కరోనా ఒకే విధంగా ఉన్నట్లు తేల్చారు.
2019-కరోనా వైరస్, బ్యాట్-ఎస్ఎల్-కరోనాజట్సీ45, బ్యాట్-ఎస్ల్-కరోనా జడ్ఎక్స్సీ21ల మధ్య జన్యు పరమైన పోలికలు 90 శాతం కన్నా తక్కువగా ఉన్నాయి. గతంలోని గబ్బిలాల నుంచి వ్యాప్తి చెందిన ఈ రెండు వైరస్లు ప్రస్తుతం వచ్చిన కరోనాకు మూలాలు కావని తేలింది.
ఇదీ చూడండి: భారత్కు 'కరోనా'- కేరళలో తొలి పాజిటివ్ కేసు
