మయన్మార్లో నెలకొన్న అనిశ్చితి కారణంగా 4000 నుంచి 6000 మంది భారత్కు శరణార్థులుగా వెళ్లినట్లు ఐక్యరాజ సమితి అంచనా వేసింది. గత వారం వరకు సుమారు 60,700 మంది ప్రజలు ఇతర దేశాల్లో ఆశ్రయం కోసం దేశ సరిహద్దు ప్రాంతాలకు తరలి వెళ్లారని తెలిపింది.
1,700 మందికిపైగా శరణార్థులు సరిహద్దు దాటి థాయ్లాండ్ చేరుకున్నారని.. అయితే వారిలో అనేక మంది మయన్మార్కు తిరిగి వచ్చారని ఐక్యరాజ సమితి ప్రకటనలో పేర్కొంది.
ఆదుకోండి
మయన్మార్లో జరుగుతున్న హింస నేపథ్యంలో శరణార్థులకు ఆశ్రయం కల్పించాలని యూఎన్ ఇప్పటికే పిలుపునిచ్చింది. శరణార్థులకు సాయం అందించేందుకు సామాజిక కార్యకర్తలను అనుమతించాలని సూచించింది.
ఇదీ చదవండి : 'భారత్కు అమెరికా 500 మిలియన్ డాలర్ల సాయం'
