ఆర్టికల్ 370 రద్దు అనంతరం జమ్ముకశ్మీర్లో నెలకొన్న పరిస్థితులపై ఆందోళన వ్యక్తం చేసింది ఐరోపా సమాఖ్య. కశ్మీర్ ప్రజలకు స్వేచ్ఛతో పాటు అక్కడ సాధారణ పరిస్థితులు తిరిగి నెలకొల్పడం ఎంతో అవసరమని భారత్లోని ఈయూ రాయబారి యుగో అస్టుటో ఓ ప్రకటనలో తెలిపారు. యురోపియన్ పార్లమెంట్ సభ్యులు కశ్మీర్లో పర్యటించడమంటే.. ఈయూ పాలసీ నిర్ణయాన్ని వెల్లడించినట్లు కాదని స్పష్టం చేశారు.
ఇదీ చూడండి : రూ.2 కోట్లు పన్ను కట్టాలని 'దేవుడి'కి ఐటీ నోటీసులు
పౌరసత్వ సవరణ బిల్లుపై స్పందన..
పౌరసత్వ చట్ట సవరణ బిల్లుపై స్పందిస్తూ.. భారత రాజ్యాంగంలో సమానత్వం పొందుపరిచారని.. దాన్ని అలాగే కొనసాగిస్తారని భావిస్తున్నట్లు తెలిపారు అస్టుటో.
పాక్ భూభాగం నుంచి సరిహద్దులో దాడికి తెగిస్తున్న ఉగ్రవాదులపై ఆ దేశం తప్పనిసరిగా చర్యలు తీసుకోవాలని స్పష్టం చేశారు. అలాగే ఇరుదేశాల మధ్య సమస్యలను భారత్-పాక్లు చర్చలతో పరిష్కరించుకోవాలని సూచించారు.
