వాణిజ్య బంధం పునరుద్ధరణే లక్ష్యంగా అమెరికాకు స్నేహహస్తం అందించే ప్రయత్నం చేసింది చైనా. ఇరుదేశాల మధ్య వాణిజ్య సంబంధాల పునరుద్ధరణకు ఉమ్మడిగా కృషి చేయాల్సిన అవసరముందని అభిప్రాయపడింది. అయితే... సుంకాల విషయంలో నిలిచిపోయిన చర్చలను తిరిగి ప్రారంభించడం, అమెరికాకు కొన్ని మినహాయింపులు ఇవ్వడంపై మాత్రం చైనా ఎలాంటి స్పష్టత ఇవ్వలేదు.
పరస్పర సహకారమే సరైన మార్గం. చైనా-అమెరికా మధ్య ఆర్థిక, వాణిజ్య సంబంధాలు ఇంతకుముందు ఉన్న విధంగా పరస్పర సహకారంతో కొనసాగాలని ఆశిస్తున్నాను. చైనా వాణిజ్య పరిస్థితి క్లిష్టపరిస్థితుల్లో ఉన్నందున అమ్మకాలను ప్రోత్సహించడానికి ఈ-కామర్స్ సేవలను ప్రారంభించాము.
-వాంగ్ వెన్టో, చైనా వాణిజ్య మంత్రి
చైనాతో వ్యవహరించే తీరుపై ఎలాంటి వ్యూహాలను అమెరికా అనుసరించబోతోందో అగ్రరాజ్యం అధ్యక్షుడు జో బైడెన్ ఇప్పటివరకు స్పష్టం చేయలేదు. కానీ చైనా విషయంలో డొనాల్డ్ ట్రంప్ అనుసరించిన తీరునే బైడెన్ కొనసాగించనున్నారని నిపుణులు అనుకుంటున్నారు. చైనా దిగుమతులపై పన్ను భారం ఇంతకుముందు ఉన్న విధంగానే కొనసాగిస్తారని అంచనా వేస్తున్నారు.
ఇదీ చదవండి:'చైనాతో యథాతథ సంబంధాలు కష్టమే'
