తైవాన్కు బిలియన్ డాలర్ల విలువ చేసే అత్యాధునిక ఆయధాలను అమ్మేందుకు అంగీకారం తెలిపిన అమెరికాపై చైనా మండిపడింది. అలా చేస్తే అగ్రరాజ్యంపై ప్రతీకారం తప్పదని హెచ్చరించింది. చైనా రక్షణ మంత్రిత్వ శాఖ ఈ మేరకు ఒక ప్రకటన విడుదల చేసింది.
చైనా- అమెరికా మధ్య తీవ్రమైన పరిణామాలను నివారించేందుకు, జలసంధిలో శాంతి నెలకొల్పేందుకు అగ్రరాజ్యం- తైవాన్ మధ్య జరిగిన ఆయుధ అమ్మకాల ఒప్పందాన్ని రద్దు చేయాలని డిమాండ్ చేసింది బీజింగ్.
అమెరికా- చైనా మధ్య సంబంధాలను తాజా పరిణామం మరింత క్షీణించేలా చేస్తుందని నిపుణులు అభిప్రాయపడుతున్నారు. గత ఐదు దశాబ్దాల్లో ఆ రెండు దేశాల మధ్య ఈ స్థాయిలో సంబంధాలు ఎప్పుడూ దెబ్బతినలేదని చెబుతున్నారు.
