ప్రపంచంలోనే రెండో అతిపెద్ద జలవిద్యుత్తు డ్యామ్ 'ది బైహేతన్'ను చైనా ప్రారంభించింది. ఈ ఆనకట్టలో మొత్తం 16 యూనిట్లు ఉండగా.. తొలి విడతగా రెండు యూనిట్లను సోమవారం ప్రారంభించినట్లు చైనా ప్రకటించింది.
289 మీటర్ల ఎత్తులో..
ఈ డ్యామ్ను యాంగ్జే నదికి ఉపనది అయిన జిన్షా నదిపై నిర్మించారు. ఈ డ్యాం ఎత్తు 289 మీటర్లు ఉంది. మొత్తం 16 యూనిట్లు ఉండగా.. ఒక్కో యూనిట్ 1 మిలియన్ కిలోవాట్స్ విద్యుత్తును ఉత్పత్తి చేసే సామర్థ్యం ఉంది. ప్రపంచంలోనే అతిపెద్ద ఆనకట్ట త్రీ గోర్జెస్ డ్యామ్ను 2003లో యాంగ్జే నదిపై నిర్మించింది చైనా ప్రభుత్వం. ఈ రెండు డ్యామ్లను ప్రభుత్వ రంగ సంస్థ అయిన త్రీ గోర్జెస్ కార్పొరేషన్ నిర్మించింది.
పట్టించుకోని హెచ్చరికలు..
ఓ వైపు ఇలాంటి పెద్ద పెద్ద ఆనకట్టలు నిర్మించటం వల్ల పర్యావరణానికి ముప్పు వాటిల్లుతోందని పర్యావరణవేత్తలు హెచ్చరిస్తున్నా.. చైనా ప్రభుత్వం మాత్రం బొగ్గు వినియోగాన్ని తగ్గించుకోవటం కోసం ఆనకట్టలు నిర్మిస్తోంది.
ది బైహేతన్ డ్యామ్ పూర్తి స్థాయిలో ప్రారంభమైతే.. ఏడాదికి 20మిలియన్ల టన్నుల బొగ్గును వినియోగించే భారం తగ్గుతుందని త్రీ గోర్జెస్ గ్రూప్ పేర్కొంది.
ఇదీ చదవండి : Florida building collapse: శిథిలాల కింద 159 మంది!
