త్వరలో తమ దేశ ప్రజలకు కొవిడ్ టీకాలు ఇవ్వనున్నట్లు చైనా ప్రకటించింది. కరోనాపై పోరులో ముందుండి నడిపిస్తున్న వారికి మొదటి ప్రాధాన్యం ఇవ్వనున్నట్టు పేర్కొంది. వైద్య, ఆరోగ్య కార్యకర్తలతో పాటు రవాణా రంగంలోని వారికి, సరిహద్దు భద్రతాదళాలకు టీకా ఇవ్వనున్నట్లు జాతీయ ఆరోగ్యకమిషన్ ఉపమంత్రి జెంగ్ యీ షిన్ వెల్లడించారు.
అయితే టీకా అత్యవసర వినియోగం కింద ఇప్పటికే మిలియన్ల మందికి వ్యాక్సిన్ అందించింది చైనా. ఇందుకు సంబంధించి సినోవాక్, సినోఫార్మ్ సంస్థలకు పలు నెలల ముందే అనుమతులిచ్చింది. అయితే చైనా తయారుచేసిన కరోనా టీకాలపై చాలా మంది సందేహాలు వ్యక్తం చేస్తున్నారు. తుది దశ ట్రయల్స్ గురించి చైనా సమాచారం ఇవ్వకపోవడమే ఇందుకు కారణం.
మరోవైపు చైనా కరోనా టీకాలకు అత్యవసర అనుమతినిచ్చిన రెండో దేశంగా బహ్రైన్ నిలిచింది. అంతకు ముందు యూఏఈ అనుమతినిచ్చింది. టర్కీ, ఇండోనేషియా, బ్రెజిల్ మాత్రం ఇంకా ఎలాంటి నిర్ణయం తీసుకోలేదు.
ఇదీ చూడండి: కరోనా టీకా సింగిల్ డోస్.. కేవలం 75 రూపాయలు!
