వుహాన్లోని వైరాలజీ ఇన్స్టిట్యూట్ నుంచి కొవిడ్ లీక్ అయిందన్న ఆరోపణలపై చైనాకు ప్రశ్నలు ఎదురయ్యాయి. ఈ విషయంపై స్వతంత్ర దర్యాప్తునకు అనుమతిస్తారా అనే ప్రశ్నకు ఆ దేశం బదులివ్వలేదు.
ల్యాబ్ లీక్ అంశం మరోసారి వార్తల్లోకి వస్తున్న నేపథ్యంలో ఈ విషయంపై చైనా విదేశాంగ శాఖ ప్రతినిధి జావో లిజియాన్కు ప్రశ్నలు సంధించారు విలేకరులు. అయితే, వుహాన్లో డబ్ల్యూహెచ్ఓ దర్యాప్తును ప్రస్తావించిన ఆయన.. స్వతంత్ర దర్యాప్తు అంశంపై స్పందించలేదు. మౌనంగానే ఉండిపోయారు.
ఇదీ చదవండి- 'వుహాన్ ల్యాబ్లో చైనా సైన్యం రహస్య ప్రయోగాలు'
కొవిడ్ గురించి బయటి ప్రపంచానికి తెలియక ముందే వుహాన్ ల్యాబ్లో కొంతమంది పరిశోధకులు అస్వస్థకు గురయ్యారని ఇటీవల ఓ నివేదిక వెల్లడించింది. వీరిందరిలో కొవిడ్19 లేదా సాధారణ ఫ్లూలో కనిపించే జ్వరం, పొడిదగ్గు వంటి లక్షణాలు ఉన్నాయి. అమెరికా ఇంటెలిజెన్స్‌ వద్దకు ఈ సమాచారం ఒక నమ్మకమైన అంతర్జాతీయ భాగస్వామి నుంచి వచ్చింది. దీంతో వైరస్ ఇక్కడి నుంచే పుట్టుకొచ్చిందనే ప్రచారానికి మరింత బలం చేకూరింది.
మరోవైపు, డబ్ల్యూహెచ్ఓ సైతం వుహాన్లో మరోసారి పర్యటించాలని భావిస్తున్నట్లు తెలుస్తోంది. ల్యాబ్ లీకేజీ కోణంలో దర్యాప్తు చేయాలని అనుకుంటున్నట్లు సీఎన్ఎన్ వార్తా కథనం వెల్లడించింది.
ఇవీ చదవండి-
