కరోనాపై పోరులో తాము భారత్కు సహాయ, సహకరాలు అందిస్తామని చైనా ప్రకటించింది. కరోనా కేసుల పెరుగుదలను ఎదుర్కోవటానికి సాయం అందించే ప్రతిపాదనపై భారత ప్రభుత్వంతో తాము సంప్రదింపులు జరుపుతున్నామని పేర్కొంది.
"భారత్లో మహమ్మారి సృష్టిస్తున్న బీభత్సానికి మేం హృదయపూర్వక సానుభూతి తెలుపుతున్నాం. కొవిడ్కు వ్యతిరేకంగా పోరాడుతున్న భారత ప్రభుత్వానికి, ప్రజలకు చైనా ప్రభుత్వం మద్దతు ఇస్తోంది. భారత్ అవసరాలను బట్టి మేము సహకారం అందించేందుకు సిద్ధంగా ఉన్నాం. మహమ్మారిని భారత ప్రజలు త్వరలోనే విజయవంతంగా ఎదుర్కొంటారని మేం నమ్ముతున్నాం."
- ఝావో, లిజియాన్, చైనా విదేశాంగ ప్రతినిధి
చైనాలోని వుహాన్ నగరంలో గతేడాది డిసెంబర్లో మొదటిసారి వెలుగు చూసిన కరోనా మహమ్మారి... వివిధ దేశాల్లో విస్తరిస్తూ, తీరని నష్టం చేకూర్చుతోంది.
సిద్ధంగా ఉన్నాం..
దేశంలో ఆక్సిజన్ కొరత వేధిస్తున్న తరుణంలో, కొవిడ్పై పోరాడుతున్న భారత్కు తాము సహకారాన్ని అందించేందుకు సిద్ధం ఉన్నామని ఫ్రాన్స్ తెలిపింది.
"కరోనా రెండో దశ విజృంభణతో పోరాడుతున్న భారతీయులకు నా సంఘీభావాన్ని పంపాలని అనుకుంటున్నాను. ఈ పోరాట సమయంలో ఫ్రాన్స్ మీతో ఉంది. భారత్కు సహకారాన్ని అందించేందుకు మేం సిద్ధంగా ఉన్నాం."
-ఇమ్మాన్యుయేల్ మేక్రాన్ , ఫ్రాన్స్ అధ్యక్షుడు
భారత్లో రోజువారీ కరోనా కేసులు ఆందోళనకర స్థాయిలో నమోదవుతున్నాయి. గురువారం ఒక్కరోజే.. 3.32 లక్షల మందికి కొవిడ్ సోకినట్లు తేలింది.
ఇదీ చూడండి: భారత్కు టీకా సాయంలో పంతం వీడని అమెరికా!
