చైనాలో భీకర గాలుల బీభత్సం
చైనాలో ప్రకృతి విలయతాండవం చేస్తోంది. ఇప్పటికే వరుణుడి ప్రకోపంతో లేకిమా తుపాను కారణంగా ప్రజలు తీవ్ర అవస్థలు పడుతున్నారు. తాజాగా శుక్రవారం లియోనింగ్ రాష్ట్రంలో పెద్ద ఎత్తున భీకర గాలులు బీభత్సం సృష్టించాయి. ఆ ప్రాంతం మొత్తం కారుమబ్బు కమ్మేసింది.
భయంకరంగా విరుచుకుపడిన గాలులు పెద్ద పెద్ద చెట్లనూ వేర్లతో పెకిలించేశాయి. ప్రజలు తీవ్ర భయాందోళనకు గురయ్యారు. బయటకు రావాలంటే భయపడుతున్నారు. సహాయక బృందం రంగంలోకి దిగి రోడ్లపై విరిగిపడిన చెట్లను తొలగిస్తున్నారు.
ఇదీ చూడండి:ఉవ్వెత్తున ఎగసిన కార్చిచ్చు.. రంగంలోకి హెలికాప్టర్లు.
