పాక్​కు విమానాలు బంద్

భారత్​-పాక్​ మధ్య ఉద్రిక్తతల నేపథ్యంలో పాకిస్థాన్​కు అన్ని విమాన సర్వీసులను డ్రాగన్ దేశం రద్దు చేసింది. ఇరుదేశాల మధ్య రాకపోకలకు తీవ్ర అంతరాయం కలుగుతోంది.

చైనా-పాక్​ మధ్య అన్ని పౌర విమాన సేవలను చైనా రద్దు చేసింది. భారత్​-పాక్ మధ్య ఉద్రిక్తతల నేపథ్యంలో చైనా ఈ నిర్ణయం తీసుకుంది.

పాక్ గగనతలం మూసివేత..

దాయాది దేశాల మధ్య యుద్ధమేఘాలు కమ్ముకోవడం వల్ల పాక్​ తన గగనతలాన్ని మూసివేసింది. దీని వల్ల ఐరోపా​, ఆగ్నేయాసియా దేశాల మధ్య విమాన సర్వీసులకు అంతరాయం ఏర్పడి, ప్రయాణికులు తీవ్ర ఇబ్బందులు ఎదుర్కొంటున్నారు.

చైనా మార్గం

అంతర్జాతీయ పౌర విమానయాన సంస్థ (సీఏఏసీ) అభ్యర్థన మేరకు ఈ ఇబ్బందులు తొలగించడానికి చైనా ముందుకు వచ్చింది. తన గగనతలాన్ని అంతర్జాతీయ విమాన సర్వీసులు నడపడానికి అనుమతించింది.

పశ్చిమాసియా దేశాల విమానాలు సాధారణంగా పాక్​, ఇండో-పాక్ సరిహద్దు మార్గంలో ప్రయాణిస్తాయి. ప్రస్తుతం వీటిని భారత్​, మయన్మార్ నుంచి​ లేదా మధ్య ఆసియా మీదుగా చైనాకు మళ్లిస్తున్నారు.

అనిశ్చితి తొలిగేనా...

బుధ, గురువారాల్లో పాక్ చైనా విమాన సర్వీసులతో పాటు మిగతా ఆంతర్జాతీయ విమాన సర్వీసులను చైనా రద్దు చేసింది. ఈ రోజైనా ఈ అంతర్జాతీయ సర్వీసులను పునరుద్దరిస్తారో, లేదో తెలియదు.

సాధారణంగా పాక్​ నుంచి ప్రతివారం 22 అంతర్జాతీయ విమాన సర్వీసులు నడుస్తాయి. వాటిలో 2 చైనాకు, మిగతా 20 విమాన సర్వీసులు ఇతర దేశాలకు ఉంటాయి.