ఆస్ట్రేలియా అనగానే మనకు గుర్తొచ్చేది కోలాబేర్. అమయాకమైన చూపులతో ఈ కోలాలు ఆస్ట్రేలియాకే ప్రత్యేక ఆకర్షణగా నిలుస్తాయి. కానీ ప్రస్తుతం విస్తరిస్తోన్న కార్చిచ్చు వల్ల అక్కడ జీవించే కోలాల జాతికి ప్రాణాపాయ పరిస్థితి ఏర్పడింది. ఇప్పటి వరకు 30శాతం కోలాల నివాసాలు మంటల్లో బూడిదయ్యాయి.
కోలాలను అంతరించిపోయే జాబితాలో చేర్చే అవకాశం ఉన్నట్లు ప్రకటించింది ఆస్ట్రేలియా ప్రభుత్వం. కార్చిచ్చు ప్రభావిత ప్రాంతాల్లో అత్యవసర మానసిక ఆరోగ్య సేవలకు 76 మిలియన్ల ఆస్ట్రేలియన్ డాలర్లు(రూ.537కోట్లు) ప్రకటించింది.
ఇటీవల కంగారూ ద్వీపంలో చెలరేగిన కార్చిచ్చు... వేలాది వన్యప్రాణులను బలి తీసుకుంది. మరీ ముఖ్యంగా ఆ దేశంలో ఎక్కువుగా కనపడే కంగారు, కోలాలు అధిక సంఖ్యలో మరణించాయి.
ఇప్పటివరకు దాదాపు 1.25బిలియన్ల జంతువులు కార్చిచ్చు అగ్నికి ఆహుతయ్యాయి. వేలాది ఇళ్లు దగ్ధమయ్యాయి. 26 మంది ప్రాణాలు కోల్పోయారు. లక్షల హెక్టార్ల భూమి బూడిదయ్యింది.
ఇదీ చూడండి : ఆస్ట్రేలియాలో కార్చిచ్చు.. కోలా బేర్ మనుగడకు ముప్పు?
