అఫ్గానిస్థాన్ను తమ హస్తగతం చేసుకుని దేశ పాలన దిశగా అడుగులు వేస్తున్నారు తాలిబన్లు. ఈ క్రమంలో అఫ్గాన్ నేతలు, ఉన్నతాధికారులు కీలక వ్యాఖ్యలు చేశారు. గతంలో చేసిన తప్పులను పునరావృతం చేస్తే తాలిబన్ ప్రభుత్వం ఎంతో కాలం నిలవదని హెచ్చరించారు.
తాలిబన్లు కాబుల్ను స్వాధీనం చేసుకున్న మరుసటి రోజు సోమవారం అఫ్గాన్ పార్లమెంట్ స్పీకర్ మిర్ రెహ్మాన్ రెహ్మానీ నేతృత్వంలోని బృందం పాకిస్థాన్కు చేరుకుంది. పాకిస్థాన్ ప్రధాన మంత్రి ఇమ్రాన్ ఖాన్తో సమావేశమయ్యారు. అనంతరం.. ఇస్లామాబాద్లో బుధవారం విలేకరులతో మాట్లాడారు నేతలు, అధికారులు.
" అఫ్గాన్లో ఏర్పాటు చేసే ప్రభుత్వంలో అన్ని జాతుల భాగస్వామ్యం ఉండాలి. ఒకే పార్టీ, గ్రూప్ నేతృత్వంలో పాలనను మేము వ్యతిరేకిస్తున్నాం. "
- మొహమ్మద్ యూనిస్ క్వనూనీ, అఫ్గాన్ మాజీ ఉపాధ్యక్షుడు.
తాలిబన్లు బలవంతంగా పాలన చేయలేరని పేర్కొన్నారు ప్రముఖ రాజకీయ నేత ఖలిద్ నూర్. వాళ్లు బలవంతంగా అధికారాన్ని లాక్కున్నారని, ప్రజల హక్కులను గౌరవించకపోతే వారి పాలన చాలా తక్కువ సమయమే ఉంటుందని హెచ్చరించారు.
ఇదీ చూడండి: అఫ్గాన్లో స్వేచ్ఛకు సంకెళ్లు.. మహిళల మెడపై 'షరియా' కత్తి
