వివాదాస్పద దక్షిణ చైనా సముద్ర జలాల్లోకి రెండు విమాన వాహక నౌకలను పంపింది అమెరికా. చైనా తనదిగా చెబుతున్న ప్రాంతంలో సైనిక విన్యాసాలు చేశాయి అమెరికా బలగాలు. హిందూ- పసిఫిక్ ప్రాంతంలో స్వేచ్ఛా వాణిజ్యానికి మద్దతుగా ఈ చర్యలు చేపట్టినట్లు అమెరికా నావికాదళం స్పష్టం చేసింది.
ఈ మేరకు దక్షిణ చైనా సముద్రంలోకి యూఎస్ఎస్ రోనాల్డ్ రీగన్, యూఎస్ఎస్ నిమిట్జ్ నౌకలను పంపినట్లు తెలిపింది. వీటికి అనుసంధానంగా విమానాల సామర్థ్యాన్ని 24 గంటలు పర్యవేక్షించే 4 యుద్ధనౌకలు ఉంటాయి. చైనా కూడా ఇదే ప్రాంతంలో సైనిక విన్యాసాలు చేపడుతోంది. అమెరికా, చైనా రెండు దేశాలు ఇలా చేయటం ఇదే మొదటిసారి.
"అంతర్జాతీయ చట్టాలు అనుమతించిన చోట అన్ని దేశాలు ప్రయాణ, రవాణా హక్కులకు మద్దతుగా నిలవడానికి అమెరికా కట్టుబడి ఉందని చెప్పేందుకే ఈ ప్రయత్నం. ఈ ప్రాంతంలో నౌకల బృందాలకు శిక్షణతోపాటు పనిచేయడానికి ఈ అవకాశం కల్పించాం. ఫలితంగా కమాండర్లకు ఇక్కడి పరిస్థితులపై అవగాహన పెరుగుతుంది. అమెరికా నేవీ సామర్థ్యాలను ఇది మెరుగుపరుస్తుంది."
- లెఫ్టినెంట్ సీన్ బ్రోఫీ, రోనాల్డ్ రీగన్ నౌకా బృందం
చైనా దూకుడుకు కళ్లెం వేసేందుకే..
ఈ విన్యాసాలకు సంబంధించి దీర్ఘకాలంగా ప్రణాళికలు వేస్తున్నామని వెల్లడించింది అమెరికా. అయితే పారాసెల్ దీవుల్లో చైనా విన్యాసాలు చేయటంపై ఇతర దేశాలు విమర్శించిన నేపథ్యంలో ముందడుగు వేశామని స్పష్టం చేసింది. వివాదాస్పద జలాల్లో చైనా దుందుడుకు చర్యలకు దిగుతోందని అమెరికా రక్షణ శాఖ కూడా గురువారం ప్రకటించింది.
-
America agrees with our Southeast Asian friends: The PRC’s military exercise in disputed waters of the South China Sea is highly provocative. We oppose Beijing’s unlawful claims. Period. https://t.co/i6TRac2WuJ
— Secretary Pompeo (@SecPompeo) July 3, 2020 " class="align-text-top noRightClick twitterSection" data="
">America agrees with our Southeast Asian friends: The PRC’s military exercise in disputed waters of the South China Sea is highly provocative. We oppose Beijing’s unlawful claims. Period. https://t.co/i6TRac2WuJ
— Secretary Pompeo (@SecPompeo) July 3, 2020America agrees with our Southeast Asian friends: The PRC’s military exercise in disputed waters of the South China Sea is highly provocative. We oppose Beijing’s unlawful claims. Period. https://t.co/i6TRac2WuJ
— Secretary Pompeo (@SecPompeo) July 3, 2020
"ఆగ్నేయాసియా మిత్ర దేశాలతో అమెరికా ఏకీభవిస్తోంది. దక్షిణా చైనా సముద్రంలోని వివాదాస్పద జలాల్లో చైనా సైనిక విన్యాసాలు రెచ్చగొట్టే చర్యలుగా పరిగణిస్తున్నాం. మేం చైనా చట్ట విరుద్ధమైన వాదనలను వ్యతిరేకిస్తున్నాం."
- మైక్ పాంపియో, అమెరికా విదేశాంగ మంత్రి
కొంత కాలంగా వాణిజ్యం, కరోనా వైరస్, హాంకాంగ్ తదితర అంశాల్లో అమెరికా, చైనా మధ్య విభేదాలు తారస్థాయికి చేరాయి. ప్రస్తుతం దక్షిణ చైనా సముద్రంలో అణ్వాయుధ విమాన వాహక నౌకలను మోహరించటం రెండు దేశాల మధ్య ఉద్రిక్తతలను మరింత తీవ్రం చేస్తుందని విశ్లేషకులు భావిస్తున్నారు.
ఇదీ చూడండి: మోదీ పర్యటనతో ఉలిక్కిపడిన చైనా.. ఏమందంటే?
