పాక్​లో రెండు తెగల మధ్య ఘర్షణ.. 15మంది మృతి!

పాకిస్థాన్​లో రెండు వర్గాల మధ్య నెలకొన్న ఘర్షణలో 15 మంది చనిపోయారు. మరో 42 మంది గాయాలపాలయ్యారు. భూ వివాదం నేపథ్యంలో రెండు గిరిజన బృందాలు ఒకరిపై ఒకరు దాడికి పాల్పడుతున్నట్టు అధికారులు తెలిపారు.

పాకిస్థాన్​లో రెండు గిరిజన బృందాల మధ్య జరిగిన ఘర్షణల్లో సుమారు 15మంది ప్రాణాలు కోల్పోయారు. మరో 42మందికి గాయాలయ్యాయి. వాయువ్య పాక్​​లోని గిరిజన ప్రాంతంలో తలెత్తిన ఓ భూ వివాదంతో ఈ ఘర్షణలు మొదలయ్యాయి.

కుర్రం జిల్లాలో నాలుగు రోజులుగా టోరి- పారా చంకాని తెగల మధ్య తీవ్రమైన ఘర్షణలు జరుగుతున్నాయి. ఒకరిపై ఒకరు అత్యాధునిక ఆయుధాలతో దాడులకు పాల్పడుతున్నట్టు అధికారులు తెలిపారు.

ఇరు వర్గాలను శాంతింపజేసేందుకు స్థానిక పాలనాధికారులు, గిరిజన పెద్దలు సహా అక్కడి పార్లమెంట్​ సభ్యులు రంగంలోకి దిగారు. రెండు సమూహాలను అక్కడి నుంచి ఖాళీ చేయించేందుకు ప్రయత్నిస్తున అధికారులు.. గురువారం ఈ వివాదానికి తెరపడుతుందని ఆశాభావం వ్యక్తం చేశారు.

ఇదీ చదవండి: పోలీసుపై కత్తితో దాడి.. ఆందోళనకారుడి అరెస్ట్​!