అఫ్గానిస్థాన్లో భద్రతా బలగాలు, తాలిబన్లకు మధ్య ఘర్షణల్లో రెండు రోజుల్లోనే 119 మంది చనిపోయినట్లు అధికారులు తెలిపారు. శాంతి కోసం ప్రయత్నాలు జరుగుతున్నప్పటికీ ఆ దేశంలో ఇంకా ఉద్రిక్త పరిస్థితులు కొనసాగటం ఆందోళన కలిగిస్తోంది.
జూన్ 3వ తేదీన 54 మంది, 4న 65 మంది మరణించినట్లు ఓ అధికారి వెల్లడించారు. వారిలో 102 మంది భద్రతా సిబ్బంది, 17 మంది పౌరులు ఉన్నట్లు తెలిపారు. ఇదే సమయంలో మరో 196 మంది సిబ్బంది గాయపడినట్లు చెప్పారు.
అయితే ఈ రెండు రోజుల్లో 364 మంది తాలిబన్లు హతమైనట్లు రక్షణ శాఖ వెల్లడించింది.
తాలిబన్లకు, భద్రతా దళాలకు మధ్య ఘర్షణల్లో అమాయక ప్రజలు బలవుతున్నారు. గతేడాది ఏకంగా 2,950 మంది పౌరులు మరణించగా, 5540 మందికి పైగా గాయాలపాలయ్యారు.
ఇదీ చూడండి: అఫ్గాన్ బలగాల దాడుల్లో 20 మంది తాలిబన్లు హతం!
