కరోనా మహమ్మారి ప్రపంచ దేశాలను అతలాకుతలం చేస్తోంది. ప్రపంచవ్యాప్తంగా మొత్తం కేసుల సంఖ్య కోటి49 లక్షలు దాటింది. మరోవైపు మొత్తం మరణాల సంఖ్య 6 లక్షల 15 వేలకు చెేరింది. ఇప్పటివరకు 89 లక్షల 67 వేలకు పైగా బాధితులు కోలుకున్నారు.
అమెరికాను విలవిల..
అగ్రరాజ్యం అమెరికాను కరోనా ధాటికి విలవిలలాడుతోంది. ఇవాళ అక్కడ కొత్తగా 22,512 కేసులు, 420 మరణాలు సంభవించాయి. దీనితో మొత్తం కేసుల సంఖ్య 39 లక్షల 83 వేలకు చేరగా.. మరణాలు లక్షా 44 వేలు దాటాయి.
ఉద్దీపన ప్యాకేజీ
కరోనా సంక్షోభం ధాటికి తీవ్రంగా దెబ్బతిన్న ఆర్థిక వ్యవస్థను తిరిగి గాడిలో పెట్టేందుకు యూకే మరో ఉద్దీపన ప్యాకేజీ ప్రకటించింది. ఇప్పుడు ట్రంప్ ప్రభుత్వం కూడా ఇదే దారిలో వెళుతోంది.
బ్రెజిల్లో కరోనా ఉద్ధృతి
బ్రెజిల్లో కొత్తగా 7,408 కొవిడ్ కేసులు వెలుగుచూశాయి. దీనితో మొత్తం కేసులు 21 లక్షల 29 వేలకు మించాయి. మరోవైపు 242మంది వైరస్ బారిన పడి మరణించారు. మొత్తం మరణాలు సంఖ్య 80,493కి చేరింది.
రష్యాలో కరోనా కలవరం..
రష్యాలో కొవిడ్ మహమ్మారి విజృంభిస్తోంది. తాజాగా అక్కడ 5,842 పాజిటివ్ కేసులు, 153 మరణాలు నమోదయ్యాయి. దీనితో మొత్తం కేసుల సంఖ్య 7 లక్షల 83 వేలకు చేరగా.. మరణాల సంఖ్య 12 వేల 5 వందలకు పెరిగింది.
నేపాల్
నేపాల్లో కొత్తగా 150 కరోనా కేసులు వెలుగుచూశాయి. దీనితో మొత్తం కేసుల సంఖ్య 18 వేలకు చేరింది. అయితే గత 48 గంటలుగా ఆ దేశంలో ఒక్క కరోనా మరణం సంభవించకపోవడం గమనార్హం.
దక్షిణ కొరియాలో కరోనా తిరగమోత
దక్షిణ కొరియాలో కరోనా మహమ్మారి మరోసారి విజృంభణ ప్రారంభించింది. గత రెండు నెలల్లో చాలా వరకు కరోనా వ్యాప్తిని అరికట్టగలిగినప్పటికీ.. తాజాగా 40 కేసులు నమోదుకావడం ఆందోళ కలిగిస్తోంది.
ఇదీ చూడండి: దద్దుర్లు కూడా కరోనా లక్షణమే!
