ప్రపంచవ్యాప్తంగా కరోనా విలయతాండవం చేస్తోంది. రోజురోజుకూ కేసులు, మరణాలు పెరుగుతూనే ఉన్నాయి. అమెరికా, బ్రెజిల్, రష్యా, సౌతాఫ్రికాలో వైరస్ విజృంభణ కొనసాగుతోంది..
అమెరికాలో..
అమెరికాలో కరోనా పంజా విసురుతూనే ఉంది.. తాజాగా మరో 44 వేల మందికి వైరస్ సోకగా.. మొత్తం 56,55,974 మంది కరోనా బారినపడ్డారు. లక్షా 75 వేల మంది మరణించారు. గడిచిన 24 గంటల్లో 1,358 మంది వైరస్ కారణంగా ప్రాణాలు కోల్పోయారు.
బ్రెజిల్లో...
బ్రెజిల్లో కరోనా కేసులు రోజు రోజుకు ఉద్ధృతమవుతున్నాయి. తాజాగా 48,637 మంది కరోనా బారిన పడ్డట్లు అధికారులు తెలిపారు.. మొత్తం కేసుల సంఖ్య 34 లక్షల 11 వేలకు చేరింది. మరో 1,365 మంది కొవిడ్తో మృతి చెందగా.. మరణాల సంఖ్య 1,10,,019కి చేరింది.
రష్యాలో...
రోజువారీగా నమోదవుతున్న కేసుల సంఖ్య స్థిరంగా ఉండటం.. రష్యాకు సానుకూల పరిణామంగా కనిపిస్తోంది. కొత్తగా 4,748 మందికి కరోనా సోకినట్లు తేలింది. మొత్తం కేసుల సంఖ్య 9 లక్షల 32 వేలకు చేరింది. వీరిలో 7.42 లక్షల మంది కోలుకున్నారు. మరో 132 మంది మృతి చెందడం వల్ల మరణాల సంఖ్య 15,872కు పెరిగింది.
- మెక్సికోలో తాజాగా నమోదైన కేసులతో కలిపి మొత్తం 5.25 లక్షల మంది వైరస్ బారిన పడ్డారు. మరో 266 మంది మృతి చెందగా.. 57 వేల మందికి పైగా ప్రాణాలు కోల్పోయారు.
- దక్షిణాఫ్రికాలో కరోనా కేసులు పెరుగుతున్నాయి. తాజాగా 2,258 కేసులను గుర్తించారు. 282 మంది మృతిచెందారు. దేశవ్యాప్తంగా మొత్తం బాధితుల సంఖ్య 5,92,144కు ఎగబాకింది. మొత్తం 12,264 మంది ప్రాణాలు విడిచారు.
- పెరూలోనూ తాజాగా 7,828 మందికి కరోనా సోకినట్లు గుర్తించారు. దీంతో మొత్తం 5,49,321 మంద వైరస్ బారినపడ్డారు. వీరిలో 3.74 లక్షల మంది కోలుకున్నారు.
పలు దేశాల్లో కరోనా కేసుల వివరాలు ఇలా...
| దేశం | కేసులు | మరణాలు |
| అమెరికా | 56,55,974 | 1,75,074 |
| బ్రెజిల్ | 34,11,872 | 1,10,019 |
| రష్యా | 9,32,493 | 15,872 |
| దక్షిణాఫ్రికా | 592,144 | 12,264 |
| మెక్సికో | 525,733 | 57,023 |
| పెరూ | 549,321 | 26,658 |
