లాలాజలం ఆధారిత కరోనా నిర్ధరణ పరీక్షలకు అమెరికా ఆహార, ఔషధ యంత్రాంగం(యూఎస్ఎఫ్డీఏ) ఆమోద ముద్రవేసింది. దీంతో ర్యాపిడ్ పరీక్షలు మరింత సులభంగా జరపవచ్చని పేర్కొంది. ఈ కొత్త విధానంతో పరీక్షల సామర్థ్యం పెరుగుతుందని.. వాటిలో వాడే కీలక రీఏజెంట్ పరికరం కొరతను నివారించవచ్చని యూఎస్ఎఫ్డీఏ కమిషనర్ స్టీఫెన్ హాన్ వెల్లడించారు.
నిజానికి... లాలాజలాన్ని ఉపయోగించి నిర్వహించే నాలుగు పరీక్షలను గతంలోనే ఆమోదించింది యూఎస్ఎఫ్డీఏ. కానీ అవి భిన్న ఫలితాలు ఇచ్చేవి.
వైరస్ నిర్ధరణ విషయంలో అమెరికా ప్రభుత్వం విమర్శలు ఎదుర్కొంటోంది. పరికరాల కొరతతో పాటు వివిధ రకాల పరీక్షల్లో వెలువడే ఫలితాలు నమ్మే విధంగా ఉండేవి కాదు. ఈ నేపథ్యంలో ఈ కొత్త పరీక్షకు ఆమోదం లభించడం ప్రాధాన్యం సంతరించుకుంది.
ప్రస్తుతం ఈ 'సలైవా డైరక్ట్' ప్రక్రియ లక్షణాలు లేని బాధితులను గుర్తిస్తుందా? లేదా? అనే అంశంపై పరీక్షలు నిర్వహిస్తున్నారు. ఇందుకోసం నేషనల్ బాస్కెట్బాల్ ఎసోసియేషన్ ఆటగాళ్లు, సిబ్బందికి పరీక్షలు చేస్తున్నారు.
ఈ సలైవా డైరక్ట్ ఎంతో సులభమైనది, చౌకైనదని అధికారులు చెబుతున్నారు.
ఇదీ చూడండి:- కొవిడ్‌ చికిత్స కోసం కొత్త ఔషధం
