అమెరికాలో పేలిన తుపాకీ.. ఒకరు మృతి

అమెరికాలో మళ్లీ తుపాకుల మోత మోగింది. ఇద్దరు దుండగులు పాదచారులపై జరిపిన దాడుల్లో ఒకరు మరణించినట్లు పోలీసులు తెలిపారు. టెక్సాస్‌లో జరిగిన మరో ఘటనలో 13 మంది గాయపడ్డారు.

అమెరికాలోని దక్షిణ చికాగోలో తుపాకీ కాల్పులు కలకలం సృష్టించాయి. ఈ ఘటనలో ఓ వ్యక్తి మృతి చెందగా.. 9 మంది గాయపడ్డారు. వీరిలో ఒకరి పరిస్థితి విషమంగా ఉన్నట్లు పోలీసులు తెలిపారు. శుక్రవారం అర్థరాత్రి వేళ కాలిబాటపై నడుస్తూ వచ్చిన ఇద్దరు వ్యక్తులు.. పాదచారులపై విచక్షణా రహితంగా కాల్పులు జరిపినట్లు చికాగో ట్రిబ్యూన్ నివేదించింది.

ఈ కాల్పుల్లో తీవ్రంగా గాయపడిన 29 ఏళ్ల మహిళ ఆసుపత్రిలో మరణించినట్లు పోలీసులు తెలిపారు. గాయపడిన మరో 9 మందికి చికిత్స అందిస్తున్నట్లు వెల్లడించారు. ఈ ఘటనపై దర్యాప్తు చేస్తున్నట్లు పోలీసులు తెలిపారు.

మరో ఘటనలో..

అమెరికాలోని టెక్సాస్‌లో జరిగిన మరో ఘటనలో 13 మంది గాయపడ్డారు. రద్దీగా ఉండే ప్రాంతమైన ఆస్టిన్​లో ఈ ఘటన జరిగినట్లు పోలీసులు తెలిపారు. వీరిలో ఇద్దరి పరిస్థితి విషమంగా ఉందని.. కాల్పులకు గల కారణాలపై దర్యాప్తు కొనసాగుతోందని వెల్లడించారు. ఈ ఘటనను ప్రత్యక్షంగా చూసిన సాక్షులు ముందుకు రావాలని విజ్ఞప్తి చేశారు.

ఇవీ చదవండి: విస్కాన్సిన్​ క్యాసినోలో కాల్పుల కలకలం