కరోనాతో విలవిల లాడుతున్న అమెరికాకు శుభవార్త చెప్పారు అక్కడి అధికారులు. సోమవారం నుంచి కొవిడ్కు సంబంధించిన ఫైజర్ వ్యాక్సిన్ను దేశవ్యాప్తంగా పంపిణీ చేయనున్నారు. ఇందుకు ప్రముఖ బట్వాడా కంపెనీలు అయిన యూపీఎస్, ఫెడెక్స్ల ద్వారా టీకా పంపిణీ చేస్తామని ఆర్మీ జనరల్ గుస్టావ్ ఎఫ్. పెర్నా శనివారం తెలిపారు.
టీకా పంపిణీ కార్యక్రమంలో భాగంగా ట్రంప్ సర్కార్ సోమవారం ఉదయం అందరికీ టీకా ఇవ్వనుంది. అందుకు తగ్గట్టుగా ఆరోగ్యశాఖ కార్యకర్తలు డోసులు ఇవ్వడం ప్రారంభిస్తారని పెర్నా చెప్పారు. మంగళ, బుధవారం మరో 450 ప్రాంతాలకు టీకా అందుబాటులోకి రానుందని స్పష్టం చేశారు.
