భారత్​-రష్యా బంధంపై అమెరికా కీలక వ్యాఖ్యలు

రష్యా నుంచి సైనిక పరికాలు కొనుగోలు చేయడంపై భారత్​కు పరోక్ష హెచ్చరికలు జారీచేసింది అమెరికా. రష్యా నుంచి ఆయుధాలు కొనుగోలు చేస్తే భారత్​పై ఆంక్షలు విధించే అంశంపై ఆలోచిస్తామని యూఎస్ అడ్మిరల్ జాన్ ఆక్విలినో తెలిపారు.

భద్రతా సహకారం, రక్షణ పరికరాల కోసం రష్యాతో భారత్​కు సుదీర్ఘ బంధం ఉందనే విషయాన్ని అమెరికా అర్థం చేసుకోవాలన్నారు ఆ దేశ నౌకాదళాధిపతి జాన్ ఆక్విలినో. అయితే ప్రధాన ఆయుధాల కోసం రష్యా నుంచి మళ్లేలా భారత్​ను ప్రోత్సాహిస్తానని చెప్పారు. లేదంటే ఆంక్షలు విధించే అవకాశమూ లేకపోలేదన్నారు. రష్యా నుంచి​ భారత్​ ఎస్​-400 ఆయుధ వ్యవస్థ కొనుగోలు చేయడాన్ని ఉద్దేశించి ఈ వ్యాఖ్యలు చేశారు.

"రష్యా నుంచి​ ఎస్​-400 క్షిపణి కొనుగోలు చేస్తే భారత్​పై ఆంక్షలు విధించాలా? అనే అంశాన్ని చట్టసభలు తేల్చుతాయి. రక్షణ సహకారం, పరికరాల కోసం రష్యాతో భారత్​కు సుదీర్ఘ బంధం ఉందనే విషయం మాకు తెలుసు. అయితే ఆయుధాల కోసం భారత్​కు ప్రత్యామ్నాయాలను అందించడం మంచి విధానం అని భావిస్తున్నా. అమెరికా సైనిక పరికరాలను కొనేలా ఆ దేశాన్ని ప్రోత్సహిస్తాం."

- జాన్ ఆక్విలినో, అమెరికా నౌకాదళాధిపతి

ఇండో పసిఫిక్​ కమాండ్​కు తర్వాతి కమాండర్​గా జాన్ ఆక్విలినో వ్యవహరించనున్నారు. భారత్​ తమకెంతో విలువైన భాగస్వామి అని, ఇకపై భారత్​ సహా క్వాడ్​లోని మిగిలిన దేశాలకు ప్రధాన్యత పెరుగుతుందని జాన్ చెప్పారు.

ఇదీ చూడండి: అంతా అమెరికానే చేసింది: రష్యా