జపాన్కు చెందిన ఓ విమాన సంస్థకు 3 లక్షల డాలర్ల భారీ జరిమానా విధించింది అమెరికా. విమానాల ఆలస్యంతో పాటు.. అందులో ఉన్న ప్రయాణీకులను ఇబ్బందులకు గురి చేసిందనే కారణాలతో జపాన్ ఎయిర్లైన్స్ సంస్థకు ఈ భారీ జరిమానా వేసినట్లు తెలిపింది.
రవాణా శాఖతో జరిగిన ఒప్పందం ప్రకారం.. ఇబ్బందులకు గురైన ప్రయాణీకులకు పరిహారం కింద 60,000 డాలర్లను చెల్లించాలి. ఏడాది పాటు ఆ సంస్థ విమానాలు జాప్యం లేకుండా నడిస్తే.. లక్షా 20 వేల డాలర్ల జరిమానా మాఫీ అవుతుంది.
ఆలస్యం ఎందుకు...
జనవరి 4న టోక్యో నుంచి న్యూయార్క్ బయల్దేరిన జపాన్ ఎయిర్లైన్స్ విమానం.. వాతావరణం సహకరించక చికాగోలో అర్ధంతరంగా దిగింది. విమానం దిగిన నాలుగు గంటల తర్వాత సిబ్బంది సేవలు నిలిపివేశారు. ఈ కారణంగా ప్రయాణీకులు ఇబ్బందులు ఎదుర్కొన్నారని అమెరికా ప్రభుత్వం ఆరోపించింది.
మే 15న టోక్యో నుంచి న్యూయార్క్ వెళ్లాల్సిన అదే సంస్థకు చెందిన మరో విమానం.. డాలస్ ఎయిర్పోర్ట్కు దారిమళ్లించి ల్యాండ్ చేశారు. దాదాపు ఐదు గంటల పాటు ప్రయాణీకులు విమానంలో చిక్కుకున్నారు. ఇంధనం నింపుకోవడం, సిబ్బంది విధులు ముగించుకునే సమయం దగ్గరపడటం కారణంగా విమానం టేకాఫ్లో జాప్యం జరిగింది. ఈ రెండు సందర్భాల్లో వాతావరణం ప్రతికూలంగా ఉందని జపాన్ ఎయిర్లైన్స్ తెలిపింది.
ఇదీ చూడండి: 'గూగుల్ ఎర్త్'తో 22 ఏళ్ల మిస్టరీ వీడిందిలా!
