అమెరికా అధ్యక్షుడు డొనాల్డ్ ట్రంప్ ప్రభుత్వం కాంగ్రెస్లో కీలక ప్రకటన చేసింది. తైవాన్కు 2.37 బిలియన్ డాలర్లు విలువ చేసే హార్పున్ క్షిపణి వ్యవస్థలను విక్రయించాలనే ప్రణాళిక రూపొందిస్తున్నట్లు తెలిపింది. బోయింగ్ సహా అమెరికాకు చెందిన రక్షణ సంస్థలపై ఆంక్షలు విధిస్తున్నట్లు చైనా ప్రకటించిన కొద్ది గంటలకే ఈ వివరాలు వెల్లడించింది ట్రంప్ ప్రభుత్వం.
తైవాన్ జలసంధిలో శాంతి, స్థిరత్వాన్ని కాపాడేందు అగ్రరాజ్యం కృషి చేస్తోందని, ఆ ప్రాంతంలో భద్రత ఇండో-పసిఫిక్ ప్రాంతంలో స్థిరత్వానికి కీలకమని అమెరికా విదేశాంగ శాఖ తెలిపింది.
"హార్పూన్ క్షిపణులకు ఓడలు, భూఉపరితలంపై లక్ష్యాలను ఛేదించగల సామర్థ్యం ఉంటుంది. ఇది జీపీఎస్ ఆధారిత ఇంటర్నల్ నావిగేషన్ను ఉపయోగించి 500 పౌండ్ల వార్‌హెడ్‌ను ప్రయోగించగలదు" అని బోయింగ్ తెలిపింది.
బోయింగ్, లాక్హీడ్ మార్టిన్ సహా అమెరికాకు చెందిన ఇతర రక్షణ సంస్థలపై తైవాన్కు ఆయుధాలు విక్రయించకుండా ఆంక్షలు విధిస్తున్నట్లు చైనా సోమవారం ప్రకటించింది.
