రాబోయే ఐదేళ్లలో తొలిసారిగా పారిశ్రామిక సగటు కంటే 1.5 డిగ్రీల (2.7ఫారన్హీట్) ఉష్ణోగ్రత పెరుగుతుందని ఐక్యరాజ్యసమితి(ఐరాస) వాతావరణ సంస్థ హెచ్చరించింది. గ్లోబల్ వార్మింగ్ను నివారించడానికి ప్రపంచ దేశాలు కట్టుబడి ఉండాలని సూచించింది. మావన నిర్మిత గ్రీన్హౌస్ ఉద్గారాల వల్ల 1850-1900 మధ్య కాలం కంటే ప్రస్తుతం సుమారు 1 డిగ్రీ మేర ఉష్ణోగ్రతలు పెరిగాయని తెలిపింది.
2020-24మధ్య కాలంలో కనీసం ఓ ఏడాదిలో 1.5డిగ్రీల ఉష్ణోగ్రత పెరగడానికి 20శాతం అవకాశం ఉందని ప్రపంచ వాతావరణ సంస్థ(డబ్ల్యుఎంఓ) తెలిపింది. పారిశ్రామిక సగటు కంటే 0.91 నుంచి 1.59 డిగ్రీల ఎక్కువగా ఉండే ఉష్ణోగ్రత ఆ మధ్య కాలంలో కనిపిస్తాయని చెప్పింది. బ్రిటన్ నేతృత్వంలోని మెట్ కార్యాలయం ఇదే విషయాన్ని వెల్లడించింది.
2015 పారిస్ ఒప్పందంలోని లక్ష్యాలను చేరుకోవడంలో ప్రపంచ దేశాలు ఎదుర్కొంటున్న సవాళ్లను ఓ అధ్యయనం తెలిపిందని డబ్ల్యుఎంఓ చీఫ్ పెట్టేరి తాలాస్ తెలిపారు. అయితే ఆ ఒప్పందంలో నిర్ణయించుకున్న లక్ష్యం కంటే ఇది తక్కువే అని అన్నారు తాలాస్.
భూమి వేడెక్కడానికి కారణమైన కార్బన్ డైఆక్సైడ్ వంటి ఉద్గారాలను తగ్గించే సూచనలు దీర్ఘకాలాన్ని దృష్టిలో ఉంచుకొని చేసినవి. వీటిని కరోనాకు అనుకరించవద్దని డబ్ల్యుఎంఓ తెలిపింది. వాతావరణంలో కార్బన్ డైఆక్సైడ్ దీర్ఘకాలం ఉంటుంది. ఈ ఏడాది ఉద్గారాల తగ్గుదల ప్రభావం కార్బన్ డైఆక్సైడ్ వాతావరణ సాంద్రతలను తగ్గించదని... ఇది ఉష్ణోగ్రత పెరుగుదలకు కారణమవుతుందని ఆయన అన్నారు.
ఇదీ చూడండి: ఆ దేశ రాజధాని నగర మేయర్ అదృశ్యం
