అమెరికాలో ఇడా హరికేన్(ida hurricane) ధాటికి ఏర్పడిన ఆకస్మిక వరదల్లో(america floods 2021) ఇద్దరు భారతీయ అమెరికన్లు(indian american) ప్రాణాలు కోల్పోయారు. ఈ ఘటన న్యూజెర్సీలో జరిగింది. మృతులు మాలతీ కంచే (46), ధనుశ్ రెడ్డి (31)లగా అధికారులు గుర్తించారు.
స్థానిక మీడియా వివరాల ప్రకారం..
మాలతీ కంచే బుధవారం (స్థానిక కాలమానం ప్రకారం) ఆమె కుమార్తెతో కలిసి ఇంటికి వెళ్తోంది. ఈ క్రమంలో ఆమె వాహనం బ్రిడ్జ్వాటర్ రూట్ నంబర్ 22 వద్ద వరద నీటిలో చిక్కుకుంది. వరద నుంచి బయటపడేందుకు వారు అక్కడ ఉన్న ఓ చెట్టు కొమ్మలను ఆశ్రయంగా తీసుకున్నారు. కానీ మాలతీ పట్టుకున్న కొమ్మ విరిగపోవడం వల్ల ఆమె వరదలో కొట్టుకుపోయింది. గాలింపు చేపట్టగా.. ఆమె మృతిచెందినట్లు అధికారులు శుక్రవారం గుర్తించారు.
మరో భారతీయ అమెరికన్ ధనుశ్ రెడ్డి కూడా వరదల్లో చిక్కుకుని ప్రాణాలు కోల్పోయారు. న్యూజెర్సీలోని సౌత్ ప్లేన్ఫీల్డ్లో వరద ఉద్ధృతికి(Floods in America) అక్కడే ఉన్న డ్రేయిన్పైప్లో పడి కొట్టుకుపోయాడు. కొన్ని మైళ్ల దూరంలో ధనుశ్ మృతదేహాన్ని గుర్తించారు.
ఇడా ప్రభావం వల్ల ఈనెల 1న ఏర్పడిన ఆకస్మిక వరదల్లో దేశవ్యాప్తంగా మొత్తం 65 మంది ప్రాణాలు కోల్పోయారు. వీటిలో న్యూజెర్సీ, న్యూయార్క్, లూసియానా రాష్ట్రాల్లోనే మరణాల సంఖ్య ఎక్కువగా నమోదైంది. ఆగస్టు 29న తీరాన్ని తాకిన ఈ హరికేన్ వల్ల ఆస్తినష్టం కూడా భారీగానే జరిగింది. 50 బిలియన్ డాలర్ల ఆస్తినష్టం జరిగి ఉండొచ్చని ప్రభుత్వం అంచనా వేస్తోంది.
ఇదీ చూడండి : అఫ్గాన్ నుంచి వచ్చేవారికి అమెరికా సాయం- ఒక్కొక్కరికీ ఎంతంటే...
