కొలంబియాలో విమానం కుప్పకూలింది. ఈ ఘటనలో 12 మంది ప్రాణాలు కోల్పోయారు. మృతుల్లో మేయర్ సహా ఆమె కుటుంబానికి చెందిన వారు ఉన్నారని ఆ దేశ రక్షణ శాఖ అత్యవసర సేవల విభాగం తెలిపింది. డగ్లస్ డీసీ-3 అనే విమానం ప్రమాదానికి గురైనట్లు పౌర విమానయాన అధికారులు తెలిపారు.
శాన్ జోస్ డెల్ గువియర్, విల్లావిసెన్సియో నగరాల మధ్య ప్రయాణిస్తున్న సమయంలో ఇంజిన్లో సాంకేతిక లోపంతో విమానం కూలిపోయినట్లు అధికారులు తెలిపారు. విల్లావిసెన్సియో సమీపంలో శిథిలాలనుఅధికారులు గుర్తించారు. విమానంలో ప్రయాణిస్తున్న వారందరూ మరణించినట్లు నిర్ధరించారు.
మృతుల్లో తరైరా పురపాలిక నగర మేయర్, ఆమె భర్త, కూతురు, విమాన యజమాని, పైలెట్, కో పైలట్, విమానయాన సాంకేతిక విభాగం సిబ్బంది ఉన్నట్లు గుర్తించారు.
విమాన ప్రమాదంలో మరణించిన వారికి కొలంబియా అధ్యక్షుడు ఇవాన్ డ్యూక్ నివాళులర్పించారు.
