ప్రశాంతంగా సాగిన డిబేట్- పెన్స్​ 'గ్రేట్' అంటూ ట్రంప్ ట్వీట్

అమెరికా అధ్యక్ష అభ్యర్థుల సంవాదంతో పోలిస్తే ఉపాధ్యక్ష అభ్యర్థుల డిబేట్ ప్రశాంతంగా సాగింది. ఒకరిని ఒకరు గౌరవిస్తూ మర్యాదపూర్వకంగా మాట్లాడారు కమలా హారిస్, మైక్ పెన్స్. డిబేట్ సందర్భంగా ట్రంప్​ ట్వీట్ చేశారు.

అమెరికా ఉపాధ్యక్ష అభ్యర్థుల సంవాదంపై అధ్యక్షుడు డొనాల్డ్​ ట్రంప్ స్పందించారు. డిబేట్​లో మైక్​ పెన్స్​ అద్భుతంగా మాట్లాడారన్నారు. డెమోక్రటిక్ ఉపాధ్యక్ష అభ్యర్థి కమలా హారిస్​పై అంత దూకుడు ప్రదర్శించలేదన్నారు.

కరోనా నుంచి కోలుకుంటున్న ట్రంప్​.. శ్వేతసౌధంలో స్వీయ నిర్బంధంలో ఉన్నారు. ఉపాధ్యక్ష అభ్యర్థుల డిబేట్​పై ట్వీట్ చేశారు.

• Mike Pence is doing GREAT! She is a gaffe machine.

  — Donald J. Trump (@realDonaldTrump) October 8, 2020 " class="align-text-top noRightClick twitterSection" data="

  Mike Pence is doing GREAT! She is a gaffe machine.

  — Donald J. Trump (@realDonaldTrump) October 8, 2020

  ">

  Mike Pence is doing GREAT! She is a gaffe machine.

  — Donald J. Trump (@realDonaldTrump) October 8, 2020

"మైక్​ పెన్స్​ అద్భుతంగా మాట్లాడుతున్నారు. ఆమె (కమలా హారిస్) చెప్పేవన్నీ అసత్యాలే"

- డొనాల్డ్​ ట్రంప్, అమెరికా అధ్యక్షుడు

కాస్త శాంతంగా...

కొన్ని రోజుల క్రితం జరిగిన అధ్యక్ష అభ్యర్థుల డిబేట్​తో పోలిస్తే ఉపాధ్యక్షుల సంవాదం కాస్త ప్రశాంతంగానే సాగింది.

• ఇదీ చూడండి: 'ఎలా ఉన్నావ్?' నుంచి 'నోరు మూస్తావా' వరకు...

ఉపాధ్యక్ష అభ్యర్థిగా నామినేషన్​ దాఖలు చేసిన సమయంలో తనకు పెన్స్​ శుభాకాంక్షలు తెలిపిన విషయాన్ని హారిస్ ప్రస్తావించారు. ఆయనకు కృతజ్ఞతలు తెలిపారు.

డొనాల్డ్​ ట్రంప్ కరోనా బారినపడిన సమయంలో ఆయన త్వరగా కోలుకోవాలని డెమోక్రటిక్ నేతలు కోరుకోవడాన్ని పెన్స్​ స్వాగతించారు. డెమోక్రటిక్ ఉపాధ్యక్ష అభ్యర్థిగా కమల గెలవడంపై పెన్స్​ మరోసారి శుభాకాంక్షలు తెలిపారు.

• ఇదీ చూడండి: అమెరికా చరిత్రలోనే ఇది ఘోర వైఫల్యం: కమల