జపాన్లో జూన్ నెలలో జరగబోయే జీ-20 దేశాల సదస్సులో భాగంగా చైనా అధ్యక్షుడు జిన్పింగ్తో భేటీ కానున్నట్లు అమెరికా అధ్యక్షుడు డొనాల్డ్ ట్రంప్ ప్రకటించారు. చైనా అధ్యక్షుడితో సమావేశం మంచి ఫలితాన్నిస్తుందని ఆశాభావం వ్యక్తం చేశారు. రష్యా అధ్యక్షుడు పుతిన్తోనూ చర్చలు జరుగుతాయని పేర్కొన్నారు ట్రంప్.
అమెరికా-చైనా దేశాల మధ్య నెలకొన్న వాణిజ్య యుద్ధం నేపథ్యంలో ట్రంప్ ప్రకటనకు ప్రాధాన్యం సంతరించుకుంది. ఇరుదేశాల మధ్య సానుకూల ఒప్పందం కుదరాలని ప్రపంచ దేశాలు ఉత్కంఠగా ఎదురుచూస్తున్నాయి.
భారత ఎన్నికల అనంతరం...
భారత్లో సాధారణ ఎన్నికల ఫలితాలు మే 23న వెలువడుతాయి. అధికారం చేపట్టే భారత ప్రధాని... ఎన్నికల అనంతరం తొలిసారి అమెరికా అధ్యక్షుడిని కలిసే అవకాశముంది. కానీ జిన్పింగ్, పుతిన్లతో భేటీ మినహా ఇతర దేశాలతో జరిగే సమావేశాలను ట్రంప్ ప్రకటించలేదు.
ఇదీ చూడండి: 'అర్హత పరీక్షల్లో ఎలాంటి రిజర్వేషన్లు ఉండవు'
