శ్వేతసౌధం సహా అధికారిక కార్యాలయాల వద్ద జాతీయ జెండాను బుధవారం వరకు అవనతం చేయాలని అమెరికా అధ్యక్షుడు డొనాల్డ్ ట్రంప్ ఆదేశించారు. క్యాపిటల్ భవనంపై జరిగిన దాడిలో గాయపడి మరణించిన అధికారుల గౌరవార్థం ఇలా చేస్తున్నట్లు సమాచారం.
బ్రైన్ డీ సికినిక్, హోవార్డ్ లైబెన్గుడ్ అనే ఇద్దరు పోలీసులు క్యాపిటల్ భవనంపై దాడి జరిగిన సమయంలో గాయపడ్డారు. వీరు ఆదివారం మరణించినట్లు అధికారులు తెలిపారు. అయితే లైబెన్గుడ్ మరణానికి ఆ దాడే కారణమా లేదా అనే విషయాన్ని అధికారులు ధ్రువీకరించలేదు. అయితే ఆయన ఆత్మహత్య చేసుకున్నారని కొంతమంది అంటున్నారు.
