అమెరికాలో ఈ మధ్య కాలంలో 'డీవియంట్ లిక్' అనే టిక్టాక్ ఛాలెంజ్కు విపరీతమైన క్రేజ్ లభిస్తోంది. స్కూళ్ల ఆస్తులు.. ముఖ్యంగా బాత్రూంలోని వస్తువులను దొంగిలించి తీసుకెళ్లిపోవడం ఈ ఛాలెంజ్ థీమ్. దీన్ని అక్కడి విద్యార్థులు చాలా సీరియస్గానే తీసుకున్నారు. స్కూళ్లల్లోని బాత్రూంలలో వస్తువులను ఎత్తికెళ్లిపోతున్నారు. దీనికి సంబంధించిన వీడియోలు సామాజిక మాధ్యమాల్లో తెగ వైరల్ అవుతున్నాయి.
పోర్ట్ వాషింగ్టన్ హైస్కూల్లో పరిస్థితులు మరింత దారుణంగా ఉన్నాయి. ఇంకొన్ని రోజుల పాటు ఇదే కొనసాగితే.. బాత్రూంలు మూసేయాల్సి వస్తుందని స్వయంగా ఆ పాఠశాల ప్రధానోపాధ్యాయుడు ప్రకటన చేశారు.
"టిక్టాక్లో ఇలాంటివి చూడటం ఇదే తొలిసారి. వీటి వల్ల మా స్కూల్పై, విద్యార్థులపై తీవ్ర దుష్ప్రభావం పడుతోంది. వాస్తవానికి ఇక్కడున్న విద్యార్థుల్లో చాలా మంది మంచివారే. కొంతమంది మాత్రమే ఇలా చేస్తున్నారు. ఇదే కొనసాగితే బాత్రూంలు మూసేయాల్సి వస్తుంది."
-- థాడ్ గాబ్రియెల్, పోర్ట్ వాషింగ్టన్ స్కూల్ ప్రిన్సిపాల్.
దొంగిలించిన వస్తువులు ఈ నెల 20లోగా తిరిగివ్వాలని ఆదేశించారు గాబ్రియెల్. విద్యార్థులు సహకరించాలని, పరిస్థితి చేయి దాటిపోతే కఠిన చర్యలు తీసుకోవాలని చెబుతూ తల్లిదండ్రులకు లేఖలు పంపించారు.
వౌకేశ ప్రాంతంలోని హార్నింగ్ మిడిల్ స్కూల్లోనూ ఇదే పరిస్థితి నెలకొంది. బాత్రూం వస్తువులను దొంగలించకూడదని తమ పిల్లలకు చెప్పాలంటూ.. తల్లిదండ్రులకు లేఖలు పంపారు.
ఇదీ చూడండి:-
