అమెరికాలో టీకా పంపిణీ షురూ- ట్రంప్​ ట్వీట్​

కొవిడ్​-19​తో తీవ్ర ఇబ్బందులు ఎదుర్కొన్న అమెరికాకు ఊరట లభించింది. ఫైజర్​ టీకా అత్యవసర వినియోగానికి ఎఫ్​డీఏ అనుమతించగా.. సోమవారం పంపిణీ ప్రారంభించారు. తొలి టీకాను అందించినట్లు వెల్లడించారు అధ్యక్షుడు ట్రంప్​.

కరోనా మహమ్మారితో అతలాకుతలమైన అమెరికాలో టీకా పంపిణీ ప్రారంభమైంది. అగ్రరాజ్యంలో తొలి వ్యాక్సిన్​ అందించినట్లు ట్వీట్​ చేశారు ఆ దేశాధ్యక్షుడు డొనాల్డ్​ ట్రంప్​.

• First Vaccine Administered. Congratulations USA! Congratulations WORLD!

  — Donald J. Trump (@realDonaldTrump) December 14, 2020 " class="align-text-top noRightClick twitterSection" data="

  First Vaccine Administered. Congratulations USA! Congratulations WORLD!

  — Donald J. Trump (@realDonaldTrump) December 14, 2020

  ">

  First Vaccine Administered. Congratulations USA! Congratulations WORLD!

  — Donald J. Trump (@realDonaldTrump) December 14, 2020

టీకాను తొలుత ఆరోగ్య సిబ్బందికి అందిస్తున్నారు. ఈ క్రమంలో న్యూయార్క్​ నగరంలోని జెవిష్​​ మెడికల్​ సెంటర్​లో పని చేస్తోన్న సాండ్రా లిండ్సే అనే నర్సు టీకా తొలి డోసు తీసుకున్నారు. ఈ సందర్భంగా 'నేను ఈ రోజు ఎంతో ధైర్యంతో ఉన్నాను' అని పేర్కొన్నారు నర్సు. ఈ వ్యాక్సిన్​ పంపిణీ ప్రక్రియను వర్చువల్​గా పర్యవేక్షించారు గవర్నర్​ ఆండ్రూ క్యూమో.

వ్యాక్సిన్​ పొందుతున్న వారిలో తాను ఒకడినని పేర్కొన్నారు ఫైజర్​ సీఈఓ ఆల్బెర్ట్​ బౌర్లా. సీఈఓ టీకా తీసుకోవటం వల్ల ప్రజలు మరింత నమ్మకంతో ఉంటారని తెలిపారు.

ఫైజర్​ టీకాకు ఇటీవల అమెరికా ఆహార, ఔషధ నియంత్రణ సంస్థ (ఎఫ్​డీఏ)ఆమోదం తెలిపింది.

ప్రపంచవ్యాప్తంగా కరోనా కేసులు, మరణాల్లో అగ్రస్థానంలో కొనసాగుతోంది అమెరికా. ఇప్పటికీ రోజుకు దాదాపు 2 లక్షల మందికి వైరస్​ సోకుతోంది. సుమారు 3వేల వరకు మరణిస్తున్నారు. మొత్తం కేసుల సంఖ్య 1.67 కోట్లు దాటగా.. మరణాలు 3 లక్షలు దాటాయి. ఈ తరుణంలో టీకా పంపిణీ ప్రారంభం కావటం ఊరట కలిగించే విషయం.

ఇదీ చూడండి: ట్రంప్​ అధికారులకే మొదటగా కరోనా వ్యాక్సిన్ !