ప్రపంచవ్యాప్తంగా కరోనా మహమ్మారి వ్యాప్తి కొనసాగుతోంది. ఇప్పటివరకు 3 కోట్ల 80 లక్షల 35వేల 470మంది వైరస్ బారినపడ్డారు. మొత్తం 10లక్షల 85వేల 335మంది ప్రాణాలు కోల్పోయారు. 2కోట్ల 85లక్షల 97వేల 202మంది వైరస్ను జయించారు.
అగ్రరాజ్యం అమెరికాలో వైరస్ విజృంభణ కొనసాగుతోంది. ఒక్కరోజులో 45వేలకు పైగా కొత్త కేసులు నమోదయ్యాయి. మొత్తం కేసుల సంఖ్య 80లక్షల 37వేల 789కి చేరింది. మృతుల సంఖ్య 2లక్షల 20వేల 11కు పెరిగింది.
బ్రెజిల్లోనూ వైరస్ ఉద్ధృతి కొనసాగుతోంది. కొత్తగా 8 వేలకుపైగా కేసులు నమోదు కాగా.. మొత్తం బాధితుల సంఖ్య 51లక్షలు దాటింది. ఇప్పటివరకు లక్షా 50వేల మందికిపైగా వైరస్కు బలయ్యారు.
మెక్సికోలో మొత్తం కేసుల సంఖ్య 8లక్షల 17వేలు దాటింది. కొత్తగా 3వేల 175మందికి పాజిటివ్గా తేలింది. మొత్తం మరణాల సంఖ్య 83,781గా ఉంది.
