పాఠశాలలో కాల్పులు: తోటి విద్యార్థులే నిందితులు

అమెరికా కొలరాడో రాష్ట్రం డెన్వర్​లో కాల్పులకు పాల్పడింది పాఠశాల విద్యార్థులేనని పోలీసులు తేల్చారు. ఇద్దరు విద్యార్థులు రెండు తరగతి గదుల్లోకి చొరబడి కాల్పులు జరిపినట్లు తెలిపారు. నిందితులను అదుపులోకి తీసుకున్నారు.

అమెరికాలో తుపాకీ విష సంస్కృతి నానాటికీ పెరిగిపోతోంది. చిన్నాపెద్దా తేడా లేకుండా తుపాకులు వినియెగిస్తూ... విచక్షణారహితంగా కాల్పులకు పాల్పడుతున్న ఘటనలు ఎక్కువయ్యాయి. తాజాగా కొలరాడో రాష్ట్రం డెన్వర్​లోని పాఠశాలలో కాల్పులకు పాల్పడింది అక్కడి విద్యార్థులేనని తేలింది.

స్టెమ్​ పాఠశాలలో 18 ఏళ్లు కూడా నిండని ఇద్దరు విద్యార్థులు... తోటివారిపై విచక్షణరహితంగా కాల్పులు జరిపారు. ఈ దాడిలో ఇద్దరు విద్యార్థులు మరణించారు. మరో 8 మంది తీవ్రంగా గాయపడ్డారు. దాడి సమయంలో పాఠశాలలో 1,850 మంది విద్యార్థులు ఉన్నారు.

కాల్పుల వార్తలతో తల్లిదండ్రులు ఆందోళనకు గురయ్యారు. తమ పిల్లల ఎలా ఉన్నారో తెలుసుకునేందుకు పాఠశాలకు పరుగెత్తుకొచ్చారు.

ఉత్తర కరోలినా షార్లెట్​ విశ్వవిద్యాలయంలో ఓ దుండగుడు కాల్పులు జరిపి ఇద్దరు విద్యార్థులను పొట్టనబెట్టుకుని సరిగ్గా వారం రోజుల అనంతరం ఈ ఘటన చోటుచేసుకుంది.

ఇదీ చూడండి: పాక్​లో ఆత్మాహుతి దాడి- 10 మంది మృతి