శ్వేతసౌధంలో కరోనా కేసులు పెరుగుతున్నాయి. తాజాగా.. శ్వేతసౌధ సీనియర్ సలహాదారుడు స్టీఫెన్ మిల్లర్కు కరోనా సోకినట్లు తెేలింది. పరీక్షల్లో తనకు పాజిటివ్గా వచ్చిన విషయాన్ని మంగళవారం ఓ ప్రకటనలో తెలిపారు స్టీఫెన్. గత ఐదు రోజులుగా వివిధ ప్రాంతాల్లో విధులు నిర్వహించాల్సి వచ్చిందని, ప్రతీరోజు పరీక్షలు చేయించుకున్నానని వివరించారు.
వైట్హౌస్లో ఇప్పటికే భారీ సంఖ్యలో కేసులు నమోదయ్యాయి. అధ్యక్షుడు డొనాల్డ్ ట్రంప్, ప్రథమ మహిళ మెలానియా ట్రంప్నకు కూడా కరోనా పాజిటివ్గా తేలింది. కరోనా లక్షణాలు కొంచెం ఎక్కువ ఉన్నందున ట్రంప్ ఈ నెల 2న వాషింగ్టన్‌లోని వాల్టర్‌ రీడ్‌ మిలిటరీ ఆస్పత్రిలో చేరారు. అక్టోబర్ 6న డిశ్ఛార్జి అయ్యారు.
మీడియా కార్యదర్శి కెలీ మెకెననీకి సోమవారం కరోనా సోకినట్టు నిర్ధరణ అయింది. మీడియా సహాయ కార్యదర్శి కరోలీన్ లీవిట్, చాడ్ గిల్మార్టిన్లతో పాటు ట్రంప్ సలహాదారులు హోప్ హిక్స్, నికోలస్ లూనా కరోనా బారిన పడ్డారు. ఇదే సమయంలో.. ట్రంప్నకు సన్నిహితంగా ఉండే వారిలో క్యాంపెయిన్ మేనేజర్ బిల్ స్టెపియెన్, ట్రంప్ మాజీ సలహాదారు కెల్యాన్నె కాన్వే, రిపబ్లికన్ నేషనల్ కన్వెన్షన్ ఛైర్వుమన్ రోనా మెక్డేనియల్లకు కూడా కొవిడ్ నిర్ధరణ అయింది.
ఇవీ చదవండి-
