అధ్యక్ష పదవిపోయినా.. సినిమాలలోనన్నా నటిద్దామనుకున్న ట్రంప్ ఆశలపై అమెరికా మూవీ అసోసియేషన్ స్క్రీన్ యాక్టర్స్ గిల్డ్ నీళ్లు చల్లే ప్రయత్నం చేస్తోంది. అసోసియేషన్లో ట్రంప్కు ఉన్న సభ్యత్వాన్ని రద్దు చేయడానికి తీర్మానించింది. క్యాపిటల్ భవనం మీద దాడి జరగడానికి ట్రంప్ కారణమనే ఈ నిర్ణయం తీసుకున్నట్లు తెలిపింది ఎస్ఏజీ. ట్రంప్ గతంలో సినిమాల్లో నటించే వారు. టీవీ కార్యక్రమాలను నిర్వహించేవారు. స్క్రీన్ యాక్టర్స్ గిల్డ్(ఎస్ఏజీ) లో ట్రంప్కు సభ్యత్వం ఉంది.
కాగా ట్రంప్ ఇకపై సినిమాలు నటించకుండా.. టీవీ కార్యక్రమాల్లో పాల్గొనకుండా చేయాలని ఆ సంస్థ నిర్ణయం తీసుకుంది. ఎస్ఏజీ నుంచి ట్రంప్ను తొలగించడానికి తీర్మానించింది. ఆ సంస్థ క్రమశిక్షణ కమిటీ ముందుకు దీనికి సంబంధించి తీర్మానాన్ని పంపింది. ఒక వేళ కమిటీ విచారణలో ట్రంప్ దోషిగా తేలితే గిల్డ్ సభ్యత్వాన్ని ఆయన వదులుకోవాల్సి ఉంటుంది.
ట్రంప్ నిర్లక్ష్యంగా ర్యాలీని నిర్వహించి.. అమెరికా క్యాపిటల్ భవనంపై దుండగులు దాడి చేసేలా వారిని ప్రేరేపించారు. జర్నలిస్టుల భద్రతను ప్రమాదంలో నెట్టివేశారు. దీంతో ఆయన సభ్యత్వాన్ని రద్దు చేయాలని ప్రతిపాదించాం.
-ఎస్ఏజీ
అయితే సదరు సంస్థ ఆరోపణలపై శ్వేత సౌధం మీడియా అధికారిక ప్రతినిధి స్పందించలేదు. ఎస్ఏజీ సభ్యత్వం లేవి వాళ్లు సినిమాలలో.. టీవీ షోలలో పాల్గొనకూడదనే నియమం లేదు. కాకపోతే ఆ సంఘ సభ్యలకున్న కొన్ని మినహాయింపులు సభ్యత్వం లేకుంటే ఉండవు.
ఈ సంస్థ(ఎస్ఏజీ) అమెరికా ప్రజాస్వామ్యాన్ని, చట్టాల్ని గౌరవిస్తుంది. అలాంటి ప్రజాస్వామ్యంపై, రాజ్యాంగంపై ట్రంప్ తీవ్రమైన దాడి చేశారు. అంతేకాకుండా తప్పుడు వార్తలు ప్రచారం చేసి క్యాపిటల్ భవనం మీద దాడి జరగడానికి కారకుడయ్యారు. మీడియా స్వేచ్ఛని ప్రమాదంలో పడేశారు.
-కార్టస్, నటి
కాగా 1989 నుంచి ఎస్ఏజీలో ట్రంప్ సభ్యులుగా ఉన్నారు. ది అప్రెంటిస్, సటర్డేనైట్ లైవ్ షో లను ట్రంప్ నిర్వహించారు. పలు చిత్రాలు, టీవీ సీరీస్లలో అతిథి పాత్రలు పోషించారు. హోమ్ ఎలోన్2: లాస్ట్ట్ ఇన్ న్యూయార్క్ చిత్రంలో , ది ఫ్రెష్ ప్రిన్స్ ఆఫ్ బెల్ ఎయిర్, సెక్స్ ఇన్ అండ్ సిటీ టీవీ సిరీస్లలో అతిథి పాత్రలు ట్రంప్ పోషించారు.
ఇదీ చూడండి: ఆ సినిమాలో ట్రంప్ సన్నివేశం తొలగింపు!
