కరోనాకు వ్యాక్సిన్ను కనుగొనేందుకు పరిశోధనలు శరవేగంగా ముందుకు సాగుతున్నాయి. ఇప్పటికే పలు పరిశోధనలు ప్రభావవంతంగా పనిచేస్తున్నట్టు తెలుస్తోంది. ఈ నేపథ్యంలో వ్యాక్సిన్ రూపొందించిన అనంతరం.. దాని నిల్వ, రవాణాపై ప్రపంచ దేశాలు కసరత్తు మొదలుపెట్టాయి. ఈ తరుణంలో అమెరికా మిషిగన్ టెక్నాలజీ యూనివర్సిటీలోని కెమికల్ ఇంజినీర్లు ఓ కొత్త ఆవిష్కరణతో ప్రపంచం ముందుకు వచ్చారు. టీకా నిల్వకు రిఫ్రిజరేటర్ల అవసరం లేకుండా.. ఓ పద్ధతిని తీసుకొచ్చారు.
సాధారణంగా వ్యాక్సిన్ రవాణా చేయాలంటే రెండు నుంచి ఎనిమిది డిగ్రీల ఉష్ణోగ్రత ఉండాలి. తగినంత చల్లదనం లేకపోయినా.. అందులోని పదార్థాలు తిరిగేంత చోటు ఉన్నా.. వ్యాక్సిన్లోని ఔషధగుణాలు వ్యర్థం అవుతాయని పరిశోధకులు తెలిపారు. ఈ క్రమంలో నూతన పద్ధతిని అందుబాటులోకి తెచ్చామని స్పష్టం చేశారు.
'కాంప్లెక్స్ కోక్జర్వేషన్' పద్ధతి ద్వారా ద్రవస్థితిలో ఉన్న సింథటిక్ ప్రోటీన్లును వేరుచేస్తే వ్యాక్సిన్ చెడిపోకుండా ఉంటుందని శాస్త్రవేత్తలు తెలిపారు. ఈ ద్రవ పొర వల్ల లోపల ఉన్న పదార్థాలు అతుకున్ని ఉంటాయని.. ఫలితంగా వ్యాక్సిన్కు ఎలాంటి నష్టం జరగదని స్పష్టం చేశారు. ఈ అధ్యయనం బయోమెటీరియల్స్ సైన్స్ జర్నల్లో ప్రచురితమైంది.
