అమెరికా-చైనా మధ్య సంబంధాలు రోజురోజుకు క్షీణిస్తున్నాయి. ఈ ప్రభావం ఇరు దేశాల వాణిజ్యంపైనా పడే అవకాశాలు అధికంగా ఉన్నాయి. కరోనా వైరస్ విషయంలో చైనాపై అమెరికా అధ్యక్షుడు ప్రత్యక్షంగానే తీవ్ర అసంతృప్తి వ్యక్తం చేస్తున్నారు. తాజాగా.. జనవరి నెలలో చైనాతో కుదుర్చుకున్న వాణిజ్య ఒప్పందంపై తన ఆలోచనలు భిన్నంగా ఉనట్టు ట్రంప్ తెలిపారు.
"మూడు నెలల క్రితం ఒకలా ఆలోచించాను (వాణిజ్య ఒప్పందంపై). ఇప్పుడు నా ఆలోచనలు మారాయి. ఏం జరుగుతుందో చుద్దాం. కానీ ఈ పరిస్థితుల చాలా నిరాశను కలిగిస్తున్నాయి. చైనాలో జరిగిన సంఘటనలు నిరాశాజనకంగా ఉన్నాయి. మహమ్మారిని అడ్డుకోవాల్సింది. అసలు అది జరిగుండాల్సింది కాదు."
--- డొనాల్డ్ ట్రంప్, అమెరికా అధ్యక్షుడు
22 నెలల పాటు సాగిన వాణిజ్య యుద్ధానికి స్వస్తి పలుకుతూ.. ఈ ఏడాది జనవరిలో అమెరికా-చైనా తొలి దశ ఒప్పందం కుదుర్చుకున్నాయి. ఒప్పందం ప్రకారం 2020-21లో అమెరికా నుంచి చైనా 200 బిలియన్ డాలర్ల కొనుగోళ్లు చెయ్యాలి. ఇది చారిత్రక ఒప్పందమని ఆ సమయంలో ట్రంప్ ఉద్ఘాటించారు. కానీ ఇప్పుడు భిన్నంగా ఆలోచిస్తున్నట్టు పేర్కొన్నారు.
అయితే.. 'చైనాపై చర్యలు తీసుకుంటారా?' అని అడిగిన ప్రశ్నకు మాత్రం ట్రంప్ సమాధానమివ్వలేదు.
మరోవైపు కరోనా అంశంలో చైనాపై అమెరికా దాడి కొనసాగుతోంది. తాజాగా అగ్రరాజ్యంలోని ప్రముఖ సెనేటర్ మార్తా మెక్సాలీ చైనాపై తీవ్ర విమర్శలు చేశారు. వైరస్ను అమెరికాపై చైనా వదిలిందని మండిపడ్డారు. వైరస్కు సంబంధించిన ఆధాారాలను చైనా ధ్వంసం చేసిందని, జర్నలిస్టులను దేశం నుంచి వెళ్లగొట్టిందని ఆరోపించారు.
ఇదీ చూడండి:- జ్వరం, దగ్గు లేకపోయినా కరోనా ఉండొచ్చు!
