కరోనాపై పోరులో భాగంగా ప్రపంచవ్యాప్తంగా పరిశోధనలు విస్తృతంగా జరుగుతున్నాయి. తాజాగా రెమ్డెసివిర్ను బారిసిటినిబ్తో జోడించి.. రోగులకు చికిత్స అందించే విధంగా క్లీనికల్ పరిశోధనలు జరుపుతున్నట్టు అమెరికా నేషనల్ ఇన్స్టిట్యూట్ ఆఫ్ హెల్త్(ఎన్ఐహెచ్) ప్రకటించింది. వీటిని కలిపితే రోగుల రికవరీ రేటులో ఏ మేరకు వృద్ధి సాధించవచ్చనే విషయంపై పరిశోధనలు చేస్తున్నట్టు పేర్కొంది.
రెమ్డెసివిర్ అనేది గిలీడ్ సైన్స్ ఐఎన్సీ తయారు చేసే ఓ యాంటీ వైరల్ డ్రగ్. బారిసిటినిబ్ అనేది యాంటి ఇన్ఫ్లమేటరీ చికిత్స.
ఈ పరిశోధన కోసం ప్రస్తుతం అమెరికాలో వైరస్తో ఆసుపత్రుల్లో చేరుతున్న వారి వివరాలను సేకరిస్తున్నారు. 1000 మందికి పైగా ఈ పరిశోధనలు జరపాలని పరిశోధకులు యోచిస్తున్నారు.
యాంటి ఇన్ఫ్లమేటరీ ఏజెంట్ బారిసిటినిబ్కు రెమ్డెసివిర్ను జోడిస్తే మరణాలు, రికవరీపై ఏమైనా ప్రభావం ఉంటుందా? అనే? దానిపై ప్రయోగాలు చేస్తున్నట్టు నేషనల్ ఇన్స్టిట్యూట్ ఆఫ్ అలర్జీ డైరక్టర్ అంథోనీ ఫౌచి తెలిపారు.
బారిసిటినిబ్ బ్రాండ్ పేరు ఓలిమైంట్. దీనిని లిల్లీ అండ్ కో సంస్థ తయారు చేస్తుంది. కరోనా వైరస్ బాధితుల చికిత్సకు ఇది ఉపయోగపడుతుందని పరిశోధకులు భావిస్తున్నారు. ఈ మేరకు ప్రయోగాలు జరుగుతున్నాయి.
రోగులకు తొలిరోజున రెమ్డెసివిర్ను 200 మిల్లి గ్రామ్ ఐవీ డోస్ అందిస్తారు. అనంతరం 100 ఎమ్జీ ఐవీ డోస్ను ఇస్తారు. ఇలా 10రోజులు పాటు అందిస్తారు. బారిసిటినిబ్ను 14రోజుల పాటు 4 ఎమ్జీ ఓరల్ డోస్గా రోగులకు ఇస్తారు.
అనంతరం రికవరీ సమయాన్ని పరిశీలిస్తారు. బారిసిటినిబ్తో పాటు రెమ్డెసివిర్ను అందించి.. రోగులు ఎంత సమయంలో కోలుకుంటున్నారో లెక్కిస్తారు. ఈ ఫలితాలను... రెమ్డెసివిర్ ఒక్కదాన్నే వచ్చే ఫలితాలతో పోల్చుతారు.
