సెంట్రల్ మెక్సికోలో యాత్రికులతో వెళ్తున్న ఓ బస్సు ఘోర ప్రమాదానికి గురైంది. ఈ ఘటనలో 19 మంది మరణించారు. మరో 32 మంది గాయపడ్డారు. మెక్సికో సిటీలోని జోక్విసింగో టౌన్‌షిప్‌లో ఈ ప్రమాదం జరిగింది. బస్సు అధిక వేగంతో వెళ్తుండగా బ్రేకులు విఫలమయ్యాయని.. దీనితో ప్రమాదానికి గురైందని అధికారులు తెలిపారు.
డిసెంబర్ 12న జరుపుకునే 'వర్జిన్ ఆఫ్ గ్వడెలోప్' సమీపిస్తున్న నేపథ్యంలో పుణ్యక్షేత్రాలను దర్శిస్తుంటారు మెక్సికన్లు. ఈ క్రమంలోనే మిచోకాన్ అనే ప్రాంతం నుంచి రోమన్ క్యాథలిక్ యాత్రికులు సందర్శించే చల్మా పట్టణానికి ఈ బస్సు బయలుదేరింది.
అయితే.. ఇరుకైన రోడ్లు, కాలం చెల్లిన బస్సుల్లో ప్రయాణించడం వల్లే అత్యంత తరచుగా ప్రమాదాలు జరుగుతున్నట్లు అధికారులు తెలిపారు.
ఇవీ చదవండి:
