పాప్ సింగర్ లేడీ గాగా శునకాలను దొంగల నుంచి సురక్షితంగా స్వాధీనం చేసుకున్నట్లు లాస్ ఏంజెల్స్ పోలీసులు శుక్రవారం తెలిపారు. తమ పోలీస్ స్టేషన్కు సాయంత్రం ఆరు గంటల సమయంలో ఓ మహిళ.. శునకాలను తీసుకొచ్చి అప్పగించారని పోలీసు అధికారి జోనాథన్ ట్రిపెట్ తెలిపారు. ఆమె ఎవరు? శునకాలను ఎక్కడ గుర్తించారు? తదితర విషయాలను మాత్రం వెల్లడించలేదు.
లేడీ గాగా ప్రతినిధులు, పరిశోధకులు స్టేషన్కు వచ్చి శునకాలను పరిశీలించారని, అవి తమవేనని నిర్ధరించారని ట్రిపెట్ చెప్పారు.
లాస్ ఏంజెల్స్లోని ఉత్తర సియోర్రా బోనిటా అపార్ట్మెంట్ వద్ద బుధవారం రాత్రి దుండగులు శునకాలను సంరక్షించే వ్యక్తిపై కాల్పులు జరిపి, గాగాకు చెందిన రెండు ఫ్రెంచ్ జాతి శునకాలను ఎత్తుకుపోయారు. మరోవైపు, సినిమా చిత్రీకరణ నిమిత్తం లేడీ గాగా ప్రస్తుతం రోమ్లో ఉన్నారు.
ఇదీ చదవండి:కరోనా రిలీఫ్ బిల్లుకు ప్రతినిధుల సభ ఆమోదం
