ఆల్ఫా, డెల్టా కొవిడ్ వేరియంట్లపై భారత్ బయోటెక్ తయారు చేసిన కొవాగ్జిన్ టీకా సమర్థంగా పనిచేస్తోందని అమెరికా జాతీయ ఆరోగ్య సంస్థ(ఎన్ఐహెచ్) వెల్లడించింది . కొవాగ్జిన్ టీకా ఆల్ఫా, డెల్టా వేరియంట్లను సమర్థవంతంగా నిర్మూలించినట్లు తమ పరిశోధనలో తేలినట్లు పేర్కొంది.
కొవాగ్జిన్ టీకా తీసుకున్న వ్యక్తుల బ్లడ్ సీరమ్‌పై జరిపిన అధ్యయనాల్లో బీ.1.1.7 ఆల్ఫా, బీ.1.617 డెల్టా వేరియంట్లను కొవాగ్జిన్ మట్టుబెట్టినట్లు ఎన్ఐహెచ్ తెలిపింది.
ఎవరిపై ఎలా?
కొవాగ్జిన్ టీకా.. కొవిడ్-19పై 100 శాతం పనిచేస్తోందని ఎన్ఐహెచ్ డైరెక్టర్ ఆంటోనీ ఎస్ ఫౌచీ తెలిపారు. కొవిడ్ లక్షణాలున్న వారిపై 78శాతం, కరోనాతో పాటు ఇతర వ్యాధులు ఉన్నవారిపై 70 శాతం సమర్థవంతంగా పనిచేస్తుందని తమ పరిశోధనలో తేలిందని ఫౌచీ వివరించారు.
ఇదీ చదవండి : 11 నెలల తర్వాతే వ్యాక్సిన్ రెండో డోసు!
