అమెరికా అత్యున్నత సైన్స్ బోర్డు మెంబరుగా భారత సంతతికి చెందిన వ్యక్తిని నియమించారు అధ్యక్షుడు డొనాల్డ్ ట్రంప్. ప్రతిష్ఠాత్మక ఓక్ రిడ్జ్ నేషనల్ ల్యాబొరేటరీ (ఓఆర్ఎన్ఎల్)కి చెందిన సుదర్శన్ బాబు ఆరేళ్ల పాటు సైన్స్ బోర్డ్ సభ్యుడిగా వ్యవహరిస్తారని శ్వేతసౌధం తెలిపింది.
బాబు 1998లో ఐఐటీ- మద్రాస్ నుంచి మాస్టర్ ఆఫ్ టెక్నాలజీ ( ఇండస్ట్రియల్ మెటలర్జీ- వెల్డింగ్) పూర్తి చేశారు. 1986లో కోయంబత్తూరులోని పీఎన్జీ కాలేజ్ ఆఫ్ టెక్నాలజీ నుంచి ఇంజనీరింగ్ పట్టా పొందారు.
కేంబ్రిడ్జ్ విశ్వవిద్యాలయం నుంచి మెటీరియల్ సైన్స్, మెటలర్జీ సబ్జెక్టుల్లో పీహెచ్డీ చేశారు. ప్రస్తుతం బ్రెడెసన్ సెంటర్ ఫర్ ఇంటర్ డిసిప్లినరీ రీసెర్చ్ గ్యాడ్యుయేట్ ఎడ్యుకేషన్ డైరెక్టర్గా, ఓఆర్ఎన్ఎల్ గవర్నర్ చైర్ ఆఫ్ అడ్వాన్స్డ్ మాన్యుఫ్యాక్చరింగ్లోనూ పని చేస్తున్నారు సుదర్శనమ్.
బాబుతో కలిపి మొత్తం ఇప్పటివరకు ముగ్గురు భారత సంతతి వ్యక్తులకు సైన్స్ బోర్డులో పనిచేసే అవకాశం దక్కింది. గతంలో సేతురామన్ పంచనాథన్, సురేష్ వి గారిమెల్ల ఈ విధులను నిర్వర్తించారు.
