అమెరికా దక్షిణ కాలిఫోర్నియాలో మంగళవారం జరిగిన రోడ్డు ప్రమాదంలో 15 మంది మరణించారు. మరో 12మంది గాయపడ్డారు. ఎస్యూవీ, ట్రక్కు ఢీకొని ఈ ప్రమాదం సంభవించింది. ఈ ఘటన సమయంలో ఎస్యూవీ వాహనంలో మొత్తం 27 మంది ఉన్నట్లు అధికారులు తెలిపారు. ప్రమాదంలో క్షతగాత్రులైన వారిని స్థానికంగా ఉండే ఆసుపత్రికి తరలించినట్లు పేర్కొన్నారు.
ఘటన జరిగిన ప్రాంతం అమెరికా, మెక్సికో సరిహద్దుకు 18 కి.మీ దూరంలో ఉన్నట్లు అక్కడి అత్యవసర సేవా విభాగం డైరెక్టర్ జూడీ క్రజ్ తెలిపారు. చనిపోయిన వారు వ్యవసాయ కూలీలు అయి ఉంటారని అనుమానిస్తున్నారు.
ఇదీ చూడండి: 12వ అంతస్తు నుంచి పడిన చిన్నారి- క్యాచ్ పట్టిన డ్రైవర్
