అమెరికా ఫ్లోరిడాలో ఓ శునకం కోసం రెండు కుటుంబాల మధ్య ఘర్షణ చెలరేగింది. ఈ గొడవలో ఆగ్రహానికి లోనైన కుక్క యజమాని అవతలి వ్యక్తితో సహా.. అతడి 11 ఏళ్ల కుమార్తెను కూడా తుపాకీతో కాల్చి చంపాడు. అనంతరం పోలీసుల ఎదురుకాల్పుల్లో అతనూ మరణించాడు.
ఏం జరిగిందంటే.?
పోర్ట్ సెయింట్ లూసీలో 82 ఏళ్ల డెల్సెరోకు ఓ పెంపుడు కుక్క ఉంది. అది పొరుగింట్లోని అలెగ్జాండర్ హాన్స్మన్ భార్యను కరిచింది. ఫలితంగా వారు యానిమల్ కంట్రోల్ సిబ్బందికి ఫిర్యాదు చేయగా.. విచారణ చేపట్టారు అధికారులు. ఇంతలో డెల్సెరోకు తన కుక్క కనిపించకపోవడం వల్ల ఆగ్రహానికి లోనయ్యాడు. చేతుల్లో రెండు తుపాకీలతో హాన్స్మర్ ఇంట్లోకి ప్రవేశించి కాల్పులు జరిపాడు. ఈ ఘటనలో హాన్స్మర్ సహా.. అతడి 11 ఏళ్ల కుమార్తె హార్పర్ మృతిచెందారు.
కాల్పుల సమయంలో హార్పర్.. పోలీసుల అత్యవసర ఫోన్ నెంబర్కు కాల్ చేసి, సాయం చేయాలని కోరింది. తమ ఇంట్లో పొరుగువారు కాల్పులు జరుపుతున్నారని రోదించింది. తక్షణమే స్పందించిన పోలీసు అధికారులు ఘటనా స్థలికి చేరుకున్నారు. రెండో అంతస్తులో దాగి ఉన్న డెల్సెరోను పట్టుకున్నారు. ఈ క్రమంలో నిందితుడు పోలీసులపైనా కాల్పులకు దిగాడు. బుల్లెట్ ప్రూఫ్ కోర్టు ఉన్నందున ఓ అధికారి ప్రాణాలతో బయటపడ్డాడు. అనంతరం పోలీసులు జరిపిన ఎదురుకాల్పుల్లో హతమయ్యాడు నిందితుడు.
ఇదీ చదవండి: అమెరికాలో మళ్లీ పేలిన తుపాకీ- నలుగురు మృతి
