భారత్లో కరోనా విజృంభణపై ఆందోళన వ్యక్తం చేస్తూ.. పరిస్థితిని అదుపు చేయడం కోసం దేశవ్యాప్తంగా లాక్డౌన్ను విధించే అవకాశాన్ని పరిశీలించాలని సూచించారు ప్రముఖ అంటువ్యాధుల నిపుణులు ఆంటోనీ ఫౌచీ. దానితో పాటు భారీస్థాయిలో వ్యాక్సినేషన్ చేపట్టాలని, కరోనా రోగుల కోసం ప్రత్యేకంగా ఆసుపత్రులు నిర్మించాలని పేర్కొన్నారు.
"భారత్లో పరిస్థితి అత్యంత తీవ్రంగా ఉందని అందరికి తెలుసు. ఆసుపత్రుల్లో పడకలు, ఆక్సిజన్ లేకపోవడం పరిస్థితి తీవ్రతకు అద్దంపడుతోంది. అందుకే యావత్ ప్రపంచం భారత్కు అండగా నిలవాల్సిన సమయం ఇది. అదే సమయంలో పరిస్థితిని అదుపు చేసేందుకు ఇండియాలో వ్యాక్సినేషన్ డ్రైవ్ను పెంచాలి. ఇలా చేస్తే కొన్ని వారాల తర్వాత పరిస్థితి చక్కపడుతుంది. ఇప్పటికిప్పుడైతే.. దేశవ్యాప్తంగా లాక్డౌన్ విధించాలి."
--- ఆంటోనీ ఫౌచీ, అమెరికా అంటువ్యాధుల నిపుణులు
సాయుధ దళాల సహాయంతో తాత్కాలిక ఆసుపత్రులను నిర్మించాలని ఫౌచీ అభిప్రాయపడ్డారు ఫౌచీ. గతేడాది.. చైనా కూడా ఇదే పరిస్థితిని ఎదుర్కొందని, ఆ దేశం కూడా ఇదే విధంగా చర్యలు చేపట్టిందని గుర్తుచేశారు.
ఇదీ చూడండి:- 'లాక్డౌన్'- కొవిడ్ను దిగ్బంధించే వ్యూహం!
