అమెరికా నల్లజాతీయుడు జార్జిఫ్లాయిడ్ మరణానికి కారణమైన మాజీ పోలీస్ అధికారి డెరిక్ చౌవిన్కు 22.5 ఏళ్ల కారాగార శిక్ష విధించింది మినియాపొలిస్ కోర్టు. చౌవిన్ సత్ప్రవర్తనను కనబరిస్తే 15 ఏళ్ల జైలు శిక్ష తర్వాత అతనికి పెరోల్కు అనుమతించవచ్చని స్పష్టం చేసింది. ప్రతిపాదిత మార్గదర్శకాల్లో ఉన్నట్టు 12.5 ఏళ్ల కన్నా ఎక్కువ కాలం జైలు శిక్ష విధించాలన్న ప్రాసిక్యూటర్ విజ్ఞప్తికి స్పందిస్తూ ఈ విధంగా తీర్పునిచ్చింది.
ఏడాదిగా స్పందించని చౌవిన్.. విచారణ సందర్భంగా ఫ్లాయిడ్ కుటుంబానికి సంతాపం తెలిపాడు. 'ఫ్లాయిడ్ కుటుంబ సభ్యులకు నా సంతాపం తెలుపుతున్నాను. కాలం మీకు మనశ్సాంతి కలిగిస్తుందని ఆశిస్తున్నాను' అని చౌవిన్ పేర్కొన్నాడు.
అంతకుముందు.. విచారణను వాయిదా వేయాలన్న చౌవిన్ విజ్ఞప్తిని కోర్టు తిరస్కరించింది.
ఇదీ చదవండి : Florida building collapse: శిథిలాల కింద 159 మంది!
