కరోనా విలయం- ఒక్క రోజే 6 లక్షల కేసులు

ప్రపంచవ్యాప్తంగా కరోనా ఉద్ధృతి కొనసాగుతోంది. ఒక్కరోజే 6 లక్షలకు పైగా పాజిటివ్ కేసులు వెలుగులోకి వచ్చాయి. కేసుల సంఖ్య 8 కోట్ల 68 లక్షలు దాటిపోయింది. అమెరికా, బ్రెజిల్, యూకేల​లో వైరస్ వ్యాప్తి తీవ్ర స్థాయిలో కొనసాగుతోంది.

ప్రపంచవ్యాప్తంగా కరోనా విలయతాండవం చేస్తోంది. ఒక్కరోజు వ్యవధిలోనే 6 లక్షలకు పైగా కేసులు నమోదయ్యాయి. మరో 13 వేల మంది బాధితులు ప్రాణాలు కోల్పోయారు. దీంతో మరణాల సంఖ్య 1,874,319కి చేరింది.

• మొత్తం కేసులు: 86,807,094
• యాక్టివ్ కేసులు: 23,410,948
• కొత్తగా నమోదైన కేసులు: 6,71,042
• మొత్తం మరణాలు: 1,874,319

1. అమెరికాలో కరోనా కేసులు రోజురోజుకు పెరుగుతున్నాయి. తాజాగా 22 లక్షల 5 వేలకుపైగా కేసులు నమోదయ్యాయి. 3,474 మంది బాధితులు మరణించారు. మొత్తం కేసుల సంఖ్య 2 కోట్ల 15 లక్షలకు పెరగ్గా.. మరణాల సంఖ్య మూడు లక్షల అరవై ఐదు వేలకు ఎగబాకింది.
2. యూకేలో లాక్​డౌన్​ కొనసాగుతున్నా.. కేసుల సంఖ్య అంతకంతకూ పెరుగుతోంది. గడిచిన 24 గంటల్లో 60 వేలకు పైగా పాజిటివ్​ కేసులు నమోదయ్యాయి. 830 మంది వైరస్​ బారిన పడి మరణించారు.
3. బ్రెజిల్​లో 57 వేల కేసులు బయటపడ్డాయి. మరో 1,186 మంది ప్రాణాలు కోల్పోయారు.
4. రష్యాలో కొత్తగా 24,246 పాజిటివ్ కేసులు వెలుగులోకి వచ్చాయి. 518 మంది మరణించారు.
5. ఫ్రాన్స్​లో తాజాగా 20,489 కేసులు నమోదుకాగా..420 మంది మృతి చెందారు.

పలు దేశాల్లో కరోనా కేసుల వివరాలు ఇలా..

దేశం	మొత్తం కేసులు	మొత్తం మరణాలు
అమెరికా	21,578,225	365,595
బ్రెజిల్	7,812,007	197,777
రష్యా	3,284,384	59,506
ఫ్రాన్స్	2,680,239	66,282
యూకే	2,774,479	76,305

ఇదీ చదవండి:స్పెయిన్​లో భారీ హిమపాతం- ఒకరు మృతి