రియోలో ముందే ప్రారంభమైన కార్నివాల్ సందడి

బ్రెజిల్​లోని ప్రధాన నగరం రియో డిజనీరోలో కార్నివాల్ సందడి​ ముందే ప్రారంభమయింది. సీజన్​ మొదలవటానికి వారం రోజులున్నా ముందుగానే వేడుకలు ప్రారంభమయ్యాయి.

బ్రెజిల్​లోని రియో డిజనీరోలో కార్నివాల్​ సందడి మొదలైంది. షెడ్యూల్​ ప్రకారం కార్నివాల్ సీజన్​ ఈ నెల 12న ప్రారంభం కానుంది. అయితే అంతకు ముందే వీధుల్లో కార్నివాల్​ సంబరాలు మొదలయ్యాయి.

అయితే అధికారికంగా నిర్వహించే వాటికన్నా ఈ వేడుకలు భిన్నంగా ఉంటాయి. భారీ ప్రదర్శనలు, థీమ్​ కార్లు, సౌండ్​ ఆంప్లిఫయర్లు లేకుండానే వీటిని నిర్వహిస్తారు.

రియో డిజనీరోలో ఏటా జరిగే కార్నివాల్​ ప్రపంచవ్యాప్తంగా గుర్తింపు పొందింది. వివిధ నేపథ్యాలతో పరేడ్లు, భిన్నమైన వస్త్రధారణ, సంగీతం, నృత్యాలతో నగర వీధులన్నీ హోరెత్తుతాయి.