మునుముందు ఎలా ఉంటుందో తెలీదుగాని, అమెరికా అధ్యక్షుడిగా ప్రమాణస్వీకారం చేయబోతున్న జో బైడెన్ తొలిరోజే తన మనోభిష్టాన్ని వదులుకోవాల్సి వస్తోంది. ప్రమాణస్వీకారానికి తనకలవాటైన.. తనకిష్టమైన.. దాదాపు 40 ఏళ్లపాటు రోజూ తాను ప్రయాణించిన రైలులో రావాలని నిర్ణయించుకున్నారు బైడెన్. తన సొంత ఊరైన డెలవర్ రాష్ట్రంలోని విల్మింగ్టన్ పట్టణం నుంచి వాషింగ్టన్లో ప్రమాణ స్వీకారానికి అమ్ట్రక్ (అమెరికా రైల్వే వ్యవస్థ) రైలులో ప్రయాణించాలనుకున్నారు. అందుకు ఏర్పాట్లు కూడా చకచకా జరిగిపోయాయి. కానీ.. తీరా.. ముహూర్తం వేళకు భద్రతా బృందం నో చెప్పింది. కారణం.. కొద్ది రోజుల క్రితం క్యాపిటలో జరిగిన అరాచకమే.
- 1987లో తొలిసారిగా అధ్యక్ష బరిలోకి దిగినప్పుడు కూడా బైడెన్ తన సొంతూరులోని రైల్వే స్టేషన్ నుంచే అభ్యర్థిత్వాన్ని ప్రకటించారు.
- 2011లో ఉపాధ్యక్షుడిగా ఉన్నప్పుడు బైడెన్ గౌరవార్థం విల్మింగ్టన్ స్టేషన్ పేరును 'జోసెఫ్ ఆర్ బైడెన్ జూనియర్ రైల్‌రోడ్ స్టేషన్' అని ఆమ్‌ ట్రక్ మార్చింది.
- ఇదీ చూడండి: బైడెన్ జట్టులో మరో భారతీయ అమెరికన్
